Presidenti francez Emmanuel Macron dhe kryeministri spanjoll Pedro Sanchez, i kanë dërguar mesazh urimi kryeministrit të Shqipërisë, Edi Rama.
Mesazhi i tyre ka ardhur në kuadër të fitores së zgjedhjeve të 25 prillit nga ana e Partisë Socialiste (PS), me kryetar Edi Ramën.
Gjatë kësaj dite Ramën e ka uruar dhe zëdhënësi i Departamentit Amerikan të shtetit, Ned Price.
Ai përgozi popullin dhe u shpreh për vijimin e bashkëpunimit dhe partneritetit të ngushtë midis të dy vendeve.
Urimet nga vendet fqinje
Po ashtu të martën e 27 prillit, urim ka marrë dhe nga kryeministri maqedonas Zoran Zaev.
Homologu maqedonas ka bërë urimin në gjuhën shqipe përmes një telefonate.
Edhe ish-presidenti i Kosovës, Hashim Thaçi, i ka shkruar letër nga burgu duke i uruar fitoren.
“Dhomat e ngushta e muret e qelisë së Hagës nuk e përmbajnë dot shpërthimin e entuziazmit tim për fitoren tënde”.
Ndërsa të parët që uruan Ramën ishin presidenti turk Recep Tayyip Erdogan dhe kryeministri grek Kyriakos Mitsotakis.
Fitoren e Edi Ramës e kanë uruar edhe shumë liderë të tjerë botëror.
Kujtojmë se PS-ja ka marrë mandatin e tretë më 25 prill. Përkatësisht ka fituar 74 mandate, Partia Demokratike 59 mandate, ndërsa Lëvizja Socialiste për Integrim katër mandate.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
As në takimin e pestë s’ka marrëveshje për dinarin – Lajçak do të dalë me një propozim të ri
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje