Premier League, Championship, Rugby Premiership, Formula 1 dhe British Horseracing të gjitha kanë ndryshuar orarin e eventeve të tyre si shenjë respekti për funeralin e të ndjerit, Prince Philip-i.
Duka i Edinburgh-it ndërroi jetë në moshën 99-vjeçare të premten e 9 prillit, dhe funerali i tij do të mbahet në kishën e St. George-it në Windsor, të shtunën më 17 prill, me fillim në orën 16:00 (15:00 me orën lokale).
Një minut heshtje nacionale do të mbahet në të gjithë Mbretërinë e Bashkuar në orën 16:00.
Asociacioni i futbollit në Angli ka rekomanduar që asnjë ndeshje të mos luhet nga ora 15:45 deri në orën 17:15.
Një minut heshtje do mbahet para çdo sfide, dhe çdo futbollist do të mbaj shiritin e zi në krah.
Të gjitha flamurat në Wembley dhe St. George Park do të jenë në gjysëmshtizë.
Në Premier League, ndeshja e planifikuar të filloj në orën 16:00, Wolves – Southampton, do të filloj në orën 21:15.
32 ndeshjet e caktuara për orën 16:00 në Championship, League one dhe League Tëo, do të fillojnë ose në 12:30, ose në 18:30.
Klubet po shikojnë mundësitë e orareve ndryshe, me ditën e dielë që është një mundësi po ashtu.
Gjysmëfinalja e FA Cup, Chelsea – Manchester City do të luhet në orarin e parashikuar, 18:30.
Po ashtu, ndeshja e FA Cup në kategorinë e femrave, Aston Villa – Manchester City, do të filloj në orën 13:00.
Edhe katër ndeshje tjera të Premier League-s irlandeze kanë ndryshuar orar.
Formula 1 ka ndryshuar orarin e provave zyrtare, nga 15:00, në 14:00.
Autoriteti për garat me kuaj në Anglia po ashtu ka zyrtarizuar që nuk do të ketë asnjë garë nga ora 15:45 deri në 17:15.
Përveç këtyre, janë shtyrë edhe ndeshjet e Rugby-t, disa ndeshje të tenisit dhe disa të kriketit.
“Në respekt të një njeriu që dha shumë për Mbretërinë e Bashkuar, shtyrja e eventve është më e pakta që mund të bëjmë”, kanë shkruar të gjitha autoritetet e këtyrë sporteve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com