Ambasadori i Ukrainës në Turqi, Vasyl Bodnar, deklaroi se presidenti turk Recep Tayyip Erdogan ka ndikim të fortë te presidenti rus Vladimir Putin për ta inkurajuar atë të përmbushë “marrëveshjet e caktuara”.
Lajmi u bë i ditur nga botimi ukrainas “RBC Ukraine”, duke cituar intervistën me diplomatin.
“Mund të thuhet se në një farë mënyre Erdogan ndikon në Putin dhe ka leva për të mos e detyruar, por për ta stimuluar atë të përmbushë disa marrëveshje”, vuri në dukje Bodnar.
Ai theksoi se “as edhe një nga liderët evropianë nuk e ka arritur atë që ka arritur Erdogan”, duke iu referuar përparimit në “marrëveshjen e grurit”.
“Kjo është arsyeja pse ato përpjekje ndërmjetësimi ose lehtësimi dhe negociata për drejtime specifike, dhe ndoshta disa përpjekje të tjera për të gjetur pika kontakti janë gjithashtu falë diplomacisë aktive turke”, shtoi ambasadori.
Në të njëjtën kohë, ai theksoi se Turqia në radhë të parë mbron interesat e saj dhe “i zbaton ato ashtu siç mundet”.
Diplomati ukrainas pranoi se që nga fillimi i luftës, Turqia është ndoshta një nga të paktat që po bën përpjekje maksimale për të ndihmuar Ukrainën dhe në një farë mënyre ta shtyjë Rusinë për të arritur paqen.
Sipas burimeve të Bloomberg-ut, Moska e konsideron presidentin turk si një ndërmjetës të mundshëm në bisedimet e paqes me Ukrainën.
Ankaraja shpreson nga ana e saj që marrëveshja për zhbllokimin e eksportit të grurit ukrainas përmes Detit të Zi do ta afrojë marrëveshjen për përfundimin e luftës në Ukrainë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova