Emigrantët që do kthehen në Shqipëri – nuk do udhëtojnë më për në Britani, thotë ambasadori britanik
Ambasadori i Britanisë së Madhe në Tiranë, Alastair King-Smith ka bërë me dije se emigrantët e paligjshëm që do të kthehen në Shqipëri nuk do të jenë në gjendje të udhëtojnë më në Mbretërinë e Bashkuar.
Në një takim me drejtorin e Përgjithshëm të Policisë, Gledis Nano me të cilin diskutuan për të ndalur fluksin e emigrantëve që zgjedhin rrugët ilegale për të hyrë në Britani, ambasadori britanik dha mesazhin se nuk duhet të bien pre e propagandës së krimit.
“Shprehëm vendosmërinë e përbashkët për të ndaluar fluksin e emigrantëve të paligjshëm drejt Mbretërisë së Bashkuar dhe Evropës. Diskutuam realitetin që i pret të gjithë ata që mbërrijnë në brigjet e Mbretërisë së Bashkuar. Emigrantët e paligjshëm nuk mund të sigurojnë punë të ligjshme”, shkruan King-Smith.
Agreement with Albanian police chief Gledis Nano for #Albania and #UK to take swift action in response to criminals exploiting young Albanians travelling to the UK illegally.
We expressed our shared determination to halt the flow of illegal migrants to the UK and Europe. pic.twitter.com/3hllwnGRd2— Alastair King-Smith (@AlastairKS) August 12, 2022
Ky njoftim erdhi pasi një javë më parë, një raport i inteligjencës zbuloi se katër në dhjetë emigrantë që kalojnë Kanalin me varka të vogla janë nga “Shqipëria paqësore, ku nuk ka pasur luftë për 25 vjet”.
Nëntë banda qëndronin pas 2 mijë e 863 emigrantëve që erdhën nga 1 qershori deri më 12 korrik. Prej tyre, 1 mijë e 75 ishin shqiptarë.
Raporti, i zbuluar ekskluzivisht nga “The Mail on Sunday”, pason një operacion survejimi nga Marina Mbretërore dhe ekspertët e inteligjencës së mbrojtjes të nëntë bandave kriminale që besohet se organizonin shumicën dërrmuese të kalimeve.
Është hera e parë që një raport zyrtar ekspozon se si pjesa më e madhe e atyre që bëjnë kalime të paligjshme duket se janë emigrantë ekonomikë që abuzojnë me sistemin bujar të azilit të Britanisë.
Analistët e inteligjencës ende nuk kanë një pasqyrë të plotë të aktiviteteve të bandave, sepse autoritetet franceze nuk po u tregojnë atyre se kur po ndalojnë me sukses përpjekjet për kalim.
Një nga mënyrat që trafikantët e qenieve njerëzore po reklamojnë shërbimet e tyre për t’i çuar emigrantët përmes Kanalit Anglez me gomone– duke paguar deri në 4 mijë e 500 paund për person, është media sociale TikTok
Madje, shqiptarët duken edhe më “seriozët” në rrjet mbi këtë çështje.
Më 3 gusht, Albanian Post e pasqyroi situatën, duke dhënë edhe prova se si profile të tëra në Tik Tok i dedikohen këtij fenomeni.
Video, të shpërndara në mediat sociale, tregojnë gomonet mbi të cilat shtrydhen emigrantët e paligjshëm, ndërsa negociojnë udhëtimin prej 21 miljesh detare.
Postimet në Tik Tok përfshijnë datat e kalimeve dhe pamjet e njerëzve që largohen nga Franca dhe ata të cilët hyjnë në varka.
Video të tjera të shumta vazhdojnë të transmetojnë se sa të ngushta mund të bëhen varkat e vogla me emigrantët të veshur me jelek shpëtimi.
Forcat Kufitare britanike shihen në sfond gati për të përgjuar anijet dhe për të shpëtuar udhëtarët nga krahu tjetër.
Një burim, i tha Albanian Post se “ka video të njerëzve që tregojnë se si t’i kontaktojnë”.
“Është shumë e lehtë, me një kërkim të thjeshtë në Tik Tok siguron një rrugë për në Angli. Nëse është kaq e lehtë për mua, atëherë pse autoritetet nuk po bëjnë diçka për këtë?”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Balluku: Nuk ka rritje çmimi të energjisë për furrat e bukës, mbetet 7.5 lekë kw/h
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Rusia pëson sërish disfatë në OKB, dështon seanca për Kosovën