Gjyqi mbi ofertën e Elon Musk për t’i dhënë fund marrëveshjes për Twitter duhet të shtyhet me disa javë për të hetuar pretendimet e një informatori për sigurinë në platformë.
Kështu ka thënë avokati i Musk, Alex Spiro, një gjykatësi.
Muajin e kaluar, akuzat u bënë publike dhe i dhanë Musk dozë shtesë për të forcuar atë që ekspertët ligjorë e cilësuan si përpjekje e gjatë për t’u larguar nga marrëveshja pa paguar një tarifë prej një miliard dollarësh.
Ish-kreu i sigurisë së Twitter-it, Peiter Zatko, ka thënë në një ankesë drejtuar rregullatorëve se kompania përfaqësonte në mënyrë të rreme se kishte një plan solid të sigurisë së të dhënave.
Sakaq, Twitter-i i ka hedhur poshtë akuzat e Zatkos si një “narrativë të rreme”.
Avokati i tij e ka akuzuar miliarderin se ka shfrytëzuar akuzat e sinjalizuesit për të mbuluar faktin se ai supozohet se nxitoi për të blerë kompaninë pa vlerësuar rreziqet.
“Musk po fajëson Twitter-in për dështimin e tij në kryerjen e kujdesit të zakonshëm”, ka thënë William Savitt, një avokat për Twitter-in.
Ai i ka kërkuar gjykatësit që të parandalojë Musk-un nga shtimi i pretendimeve të denoncuesit në padinë e tij.
Twitter dhe Musk kanë paditur njëri-tjetrin.
Kompania dëshiron që kancelarja Kathaleen McCormick e gjykatës së kancelarit të Delaware të urdhërojë Musk-un të blejë kompaninë për 54.20 dollarë për aksion sipas marrëveshjes së prillit.
Musk, i cili është gjithashtu shefi ekzekutiv i kompanisë së makinave elektrike Tesla, fillimisht e kundërshtoi Twitter-in se e ka mashtruar atë në lidhje me sasinë e llogarive false në platformë.
Për këto të fundit, ai ka thënë se e shtynë të largohej nga marrëveshja.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Osmani pas fitores: Vetëm fillimi i një kapitulli të ri për një të ardhme të ndritur
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund