Butch Bowers dhe Deborah Barbier, dy avokatët kryesorë mbrojtës të ish-presidentit Donald Trump, nuk janë më pjesë e ekipit të tij.
Ky largim i avokatëve ndodhi një javë para se të fillojë gjyqi i tij në Senat, duke ngelur pa një përfaqësim ligjor.
Kjo përmbysje përbën pasiguri në ekipin mbrojtës të Trump-it ndërsa ai është në pritje për tu përballur me akuzat se nxiti kryengritje në Capitol në Shtetet e Bashkuara të Amerikës me 6 janar.
Gjithashtu, Josh Howard, një avokat i Karolinës së Veriut i cili u shtua kohët e fundit në ekip, është larguar, sipas një burimi, njofton agjencia e lajmeve CNN. Edhe Johnny Gasser dhe Greg Harris, nga Karolina e Jugut, nuk janë më të përfshirë në këtë çështje.
Sipas njoftimeve, Bowers dhe Barbier-a u larguan nga ekipi sepse Trump-i kërkonte mbrojtje duke u mbështetur në akuzat e mashtrimit të zgjedhjeve. Avokatët nuk janë dakord për këtë çështje.
Ish-këshilltari i fushatës së Trump-it, Jason Miller tha për CNN se nuk është marrë një vendim përfundimtar në ekipin e tyre ligjor.
“Përpjekjet e Demokratëve për të fajësuar një president i cili tashmë ka lënë detyrën është totalisht antikushtetuese dhe kaq e keqe për vendin tonë”.
Pasi shumë avokatë nuk e morën përsipër çështjen e Trump-it, senatori i Karolinës së jugut, Lindsey Graham i prezantoi Bowers-in.
Bowers-i është një figurë e njohur, që ka përfaqësuar zyrtarë dhe kandidatë politikë duke përfshirë dhe ish-guvernatorin e Karolinës Jugut, Mark Sanford.
Ndërsa, Barbier-a ka punuar si prokurore federale për 15 vite në shtet, me çështje të profilit të lartë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza
-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
-
Lavrov: Armenia shkakton kolapsin e marrëdhënieve me Moskën
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë