Mbrëmjen e kaluar, skuadra e Eintracht Frankfurt arriti të triumfojë në Ligën e Evropës, duke i mposhtur skocezët e Rangers pas ekzekutimit të penalltive.
Ky ishte titulli i dytë i gjermanëve në historinë e klubit të tyre, ku të parin e kishin fituar në vitin 1980.
Gjithashtu titulli i fituar në mbrëmjen e së mërkurës, ishte i 50-ti që kur kjo garë u quajt UEFA Cup, e pastaj që nga viti 2009 quhet Europa Leauge.
Mirëpo, kush janë ekipet që kanë më së shumti trofe në garën e dytë më të rëndësishme për klube në Evropë?
Vendin e parë e mban Sevilla, të cilët kanë arritur ta çojnë lart trofeun në gjashtë raste. Periudha më e suksesshme e tyre ishte në sezonet 2014 deri më 2016 ku spanjollët fituan tre herë rresht trofeun.
Vendi i dytë në këtë klasifikim sjellë katër skuadra të cilët kanë fituar nga tre tituj.
Ekipet italiane, Inter dhe Juventus, si dhe Liverpool e Atletico Madird kanë fituar nga tre herë Ligën e Evropës.
Ndërsa nga dy herë në historinë e tyre kanë arritur të triumfojnë:
Borussia Monchengladbach, Tottenham Hotspur, Real Madrid, Goteborg, Parma, Feyenoord, Porto, Chelsea dhe Eintracht Frankfurt.
Kurse nga një herë në historinë e tyre, këtë kupë të rëndësishme kanë arritur ta fitojnë:
Manchester United, Ajax, Anderlecht, PSV Eindhoven, Ipswich Town, Bayer Leverkusen, Napoli, Bayern Munich, Schalke 04, Galatasaray, Valencia, CSKA Moscow, Zenit, Shakhtar Donetsk dhe Villarreal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com