Media të ndryshme dhe burime të të drejtave të njeriut në Egjipt dhe Katar kanë raportuar mbrëmjen e së enjtes, më 4 shkurt, lirimin e gazetarit të medias “Al Jazeera”, Mahmoud Hussein. Kujtojmë se Hussein-i u arrestua në fund të vitit 2016-të, duke u kthyer nga Katari për në shtëpinë e tij në Egjipt.
Autoritetet egjiptiane e akuzuan atë për “përkatësinë në një grup të jashtëligjshëm” dhe për “përhapjen e lajmeve të rreme”, të cilat sipas tyre synonin destabilizimin e vendit.
Mes deklaratave të veçanta, gazetarët e Al Jazeera, Jamal dhe Sarah Raafat, gazetari Hossam El Shorbagy dhe aktivisti i të drejtave të njeriut Gamal Eid, raportuan lirimin e Hussein-it. Një gazetar tjetër shkroi në median sociale “Twitter”, se autoritetet egjiptiane kanë liruar Mahmoud Hussein, gazetar për Al Jazeera-n, pas një ndalimi administrativ, i cili zgjati më shumë se katër vjet.
Në krahun tjetër, Observatori Egjiptian për Gazetari dhe Media, në një deklaratë në median sociale “Facebook”, tha se Gjykata Penale e Kajros vendosi të lirojë të hënën Husein-in me masa paraprake, në pritje të hetimeve. Gjithashtu, portali i lajmeve i opozitës egjiptiane, “Darb”, konfirmoi lirimin e tij.
Akoma nuk ka pasur një reagim mbi raportet e nxjerra për Hussein-in, nga kanali televiziv “Al Jazeera”, apo familja e Hussein-it.
Kujtojmë se “Al Jazeera” u ndalua zyrtarisht në Egjipt pas një grushti shteti ushtarak në vitin 2013-të kundër Mohamed Morsi-t, presidentit të parë të vendit, i zgjedhur në mënyrë demokratike.
Arrestimi Hussein-it
Mahmoud Hussein është një gazetar i vjetër në “Al Jazeera”, me origjinë egjiptiane. Ai u arrestua menjëherë pas mbërritjes së tij në Egjipt më 20 dhjetor të vitit 2016-të, ndërsa ishte për një vizitë personale. Ai është burgosur ilegalisht nga autoritetet egjiptiane që nga muaji dhjetor i 2016-ës. Ai ka vuajtuar një dënim prej katër vitesh. Detajet e arrestimit të tij kanë mbetur të dyshimta. Akoma nuk ka akuza zyrtare. Në maj të 2019-s, një gjykatë egjiptiane hodhi poshtë një urdhër të prokurorit të shtetit për lirimin e tij. Autoritetet hapën një hetim të ri kundra tij me akuza të paspecifikuara dhe e kthyen atë në burg.
Autoritetet egjiptiane
Autoritetet hapën një hetim të ri kundra tij me akuza të paspecifikuara dhe e kthyen atë në burg. Ndërsa ishte në izolim, Hussein-i pësoi një thyerje të krahut. Atij iu refuzua trajtimi i duhur mjekësor. Kërkesa e tij për të vizituar babanë e tij, Hussein Jumaa-n, i cili ishte në spital në një gjendje kritike, gjithashtu u refuzua nga drejtori i burgut. I ati i tij, Jumaa, kishte pësuar pesë goditje, që kur djali i tij i madh Huseini u arrestua. Ai vdiq në nëntor.
“Askush nuk iu përgjigj thirrjeve tona për dy muaj kur ne kërkuam që babai im të lejohej të shihte babanë e tij të sëmurë për vetëm një orë,” shkroi vajza e Husseini-t, Zahraa, në një postim në median sociale “Facebook”.
Al Jazeera
Media “Al Jazeera” vazhdimisht ka mohuar akuzat e ngritura kundër Hussein-it dhe ka bërë thirrje për lirimin e tij. Kodi penal i Egjiptit përcakton një periudhë maksimale të paraburgimit prej 620 ditësh për individët që hetohen për një krim. Barbara Trionfi, Drejtoreshë në Institutin Ndërkombëtar të Shtypit (IPI) tha se arrestimi i Husein-it është zgjatur vazhdimisht dhe në mënyrë të paligjshme nga autoritetet egjiptiane për tre vjet. Ajo shtoi se situata e tij ishte kundër ligjit ndërkombëtar dhe egjiptian.
Arrestime të tjera
Po atë vit, Egjipti arrestoi dhe burgosi më vonë gazetarët Abdullah Elshamy, Baher Mohamed, Mohamed Fahmy dhe Peter Greste të Al Jazeera me akuzat e përhapjes së “lajmeve të rreme”. Këto raste u dënuan gjerësisht nga mediat ndërkombëtare dhe shumë politikanë. Që atëherë të gjithë janë liruar. Karim Ennarah, Drejtori i Drejtësisë Penale në Nismën Egjiptiane për të Drejtat Personale (EIPR), u arrestua ndërsa ishte me pushime në Dahab. Amnistia Ndërkombëtare (AI) e dënoi e dënoi me forcë arrestimin e Karim Ennarah. Nën prangat e forcave të sigurisë ra edhe menaxheri i zyrës së organizatës, Mohammed Basheer. Akuzat ndaj tyre kishin të bënin me “bashkimin me grupe terroriste” dhe “përhapjen e lajmeve të rreme”.
Egjipti ishte një nga vendet arabe që ndërpreu marrëdhëniet diplomatike me Katarin në qershor 2017-ës , duke e akuzuar atë, ndër të tjera, për mbështetjen e Vëllazërisë Myslimane , të cilën Kajro e ka përshkruar si një organizatë “terroriste”. Grupi islamist, u shpall i jashtëligjishëm në Egjipt. Kjo ndodhi pasi drejtuesi i ushtrisë, Abdel Fattah al-Sisi udhëhoqi përmbysjen e Mohamed Mursi-t në 2013. Organizata e Vëllazërisë Muslimane u themelua nga Hassan al-Banna në mars të vitit 1928-të në qytetin Ismailia në lindje të Egjiptit, si një shoqatë civile. Gjatë historisë, organizata është ndëshkuar shumë herë, ndërsa është shpallur “terroriste” në Egjipt, pasi presidenti i parë i zgjedhur në mënyrë demokratike, Mohammed Morsi, është larguar nga detyra në vitin 2013-të me një grusht shteti ushtarak.
Pjesa më e madhe e udhëheqjes së lartë të Vëllazërisë Myslimane u burgos në Egjipt. Anëtarët e tjerë u arratisën në Katar ose në Turqi.
Marrëdhëniet midis dy vendeve u rivendosën në 20 janar, 2021.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Yulia Navalnaya: Dua t’u jap shpresë rusëve dhe kam një mesazh për gangsterin Putin
-
Nafisi: Regjimi nuk është më i frikshëm, lufta është për liri
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Çështja dinari: Bislimi e Petkoviç për herë të katërt takohen në Bruksel
Lajmet kryesore
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Këshilli i Investimeve: Informaliteti më i lartë se në vitin 2019, ligji për të ardhurat do ta rrisë më tej
-
Izraelitët, palestinezët dhe një aksident rrugor: Çka ndan dy popuj, në një libër
-
Çështja dinari: Bislimi e Petkoviç për herë të katërt takohen në Bruksel