Dy dialekte dhe një gjuhë, dy republika dhe një komb. Kjo është harta jonë me destinacion Brukselin.
Kështu deklaroi presidenti i Shqipërisë, Bajram Begaj, gjatë fjalimit për media të mbajtur në Kosovë së bashku me homologen e tij, Vjosa Osmani.
Begaj theksoi se Brukseli duhet të mbajë premtimin e tyre për liberalizimin e vizave me Kosovën.
“Liberalizimi i vizave për qytetarët e Kosovës , premtim i vonuar dhe një e drejtë që ata duhet ta gëzojnë si të gjithë qytetarët e tjerë të rajonit”.
Ai shtoi se Shqipëria do të vijojë mbështetjen e saj për përmbylljen me lajm pozitiv, sa më parë të jetë e mundur.
Po ashtu kreu i shtetit shqiptar ravijëzoi se Shqipëria mbështet fuqimisht anëtarësimin e Kosovës në NATO, aleanca garant i paqes në rajon dhe aleat strategjik i Kosovës dhe Shqipërisë.
Presidenti e ka cilësuar aplikimi i Kosovës për anëtarësim në Këshillin e Evropës një vendim të duhur.
Në fjalën e tij në Prishtinë, presidenti rikujtoi edhe një herë qëndrimin e tij kundër raportit të Dick Marty-t për krerët e UÇK-së.
“UÇK-ja është një faqe e ndritur e historisë së përbashkët që bën krenar çdo shqiptar”.
Dialogu me Serbinë
Në deklaratën e parë të presidentit shqiptar në Kosovë nuk kishte si të mungonte edhe cekja e “dialogut me Serbinë”.
Begaj ka përshëndetur maturinë e shtetit të Kosovës në bashkëpunim me partnerët SHBA dhe BE.
“Vazhdimi i dialogut me Serbinë, e vetmja mënyrë që të bëhet e qartë se realiteti i Kosovës së pavarur është i pakthyeshëm dhe i pandryshueshëm”.
Begaj në fjalën e tij kërkoi që Kosova dhe Shqipëria të vijojnë përpjekjet për të shfrytëzuar maksimalisht potencialet ekonomike.
“Të jemi të gjithë bashkë, të ecim përpara me urtësi e maturi në mbrojtje të interesave tona, të qytetarëve tanë dhe në mbrojtje të paqes në rajon”, ishte mesazhi i tij përmbyllës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
-
Ranucci: Rama dhe Agaçi refuzuan intervistat, dokumentet tona janë gjyqësore
-
PD kërkoi shfuqizimin e ligjit mbi administrimin e Butrintit, Kushtetuesja rrëzon kërkesën
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova