Të enjten e 1 shtatorit prekëm nga afër atë që njihet si “përvetësim kulturor” i një vendi.
Me nisjen e javës britanike – dedikuar tërësisht kulturës – e cila kurorëzohet më 11 shtator, pamë konkretisht gjurmët e para të Britanisë në Shqipëri.
Loja e kriketit, e cila ishte ngjarja e parë e javës, u simulua me veshjet karakteristike të qytetarëve që e kanë lojë kombëtare në Britani e gjetkë.
Kriketi u shpik në fushat e gjera të Anglisë, gjoja nga barinjtë që grumbullonin tufën e tyre.
Më vonë kjo lojë u mor nga aristokratët, për të përfituar statusin e lojës kombëtare të Anglisë.
Ngjarja më e rëndësishme e javës britanike, lidhur me interesin publik, pritet të jetë koncerti i këngëtares me origjinë shqiptare Rita Ora më 6 shtator.
Ambasadori i Britanisë në Shqipëri, Alastair King-Smith, deklaroi se “Java Britanike” do të vijë me një sërë aktivitetesh të ndryshme, të cilat nisin në Tiranë për t’u shtrirë më pas në të gjithë Shqipërinë.
Java e Kulturës Britanike sjell për publikun shqiptar një sërë aktivitetesh që kremtojnë kulturën, artin, muzikën dhe sportin britanik, në 100-vjetorin e marrëdhënieve mes Mbretërisë së Bashkuar dhe Shqipërisë.
Sprinti i këtyre marrëdhënieve kulmoi me ngjarjen e parë të vërtetë britanike në harkun e një viti.
Edhe pse protagonistët ishin po të njëjtët (kryebashkiaku Erion Veliaj dhe King-Smith), formati ndryshonte tërësisht.
Kryebashkiaku i Tiranës mirëpriste 11 muaj më parë në një ngjarje “të përshtatur” britanike ambasadorin e sapo-emëruar të Britanisë.
Ky ishte përqafimi i radhës i kinemasë shqiptare me heroin (fiktiv) britanik të shërbimeve sekrete, James Bond.
Premiera (shfaqja e parë) e filmit nuk kulmoi me asgjë, veçse kostumeve me shkëlqim dhe këpucëve të lustruara të të ftuarve.
Në thelb, ngjarja e organizuar deri në detaje, na prezantoi me atmosferën e filmit më të famshëm britanik, por edhe me kulturën e mospërshtatjes.
“Ne po fillojmë me një nga filmat më të mirë që përfaqëson kulturën britanike, për t’i afruar sa më afër Shqipërinë dhe Mbretërinë e Bashkuar. Kjo nuk është vetëm në rangun e qeverive, por edhe për bashkimin e qytetarëve”, deklaronte asokohe diplomati britanik.
Thënë kjo, kostumografia dhe shkëlqimi i përshtatjes ranë porsa kultura e vërtetë u shpërfaq në Tiranë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Lajçak me kërkesë për shoqëritë në Kosovë dhe Serbi: S’ka të ardhme evropiane pa normalizim të marrëdhënieve, ta kuptoni këtë