Durant e Irving mungojnë në derbin kundër Lakers e LeBron James

Brooklyn Nets do të jetë pa Kevin Durant dhe Kyrie Irving në ditën e Krishtlindjeve.

Durant dhe Irving mbeten ende në protokollet e shëndetit dhe sigurisë në NBA dhe do të mungojnë në ndeshjen e shumëpritur kundër LeBron James e Los Angeles Lakers.

Brooklyn do të ketë një nga superyjet pasi James Harden do të kthehet, pasi ka humbur shumë ndeshje për shkak të protokolleve të shëndetit dhe sigurisë.

33-vjeçari, Durant, ka qenë një nga lojtarët më të qëndrueshëm të Nets këtë sezon, duke shënuar mesatarisht 29.7 pikë, 7.9 kërcime dhe 5.9 asistime për lojë, duke gjuajtur me efikasitet prej 52.3%.

Durant po luan gjithashtu minuta të rënda për Brooklyn, me mesatarisht 37 minuta për lojë, më së shumti që nga sezoni i tij 2013-14 me Oklahoma City Thunder.

Irving nuk ka bërë ende debutimin e tij në sezon pasi Nets ranë dakord ta lejojnë atë të ushtrojë dhe të luajë me ekipin gjatë ndeshjeve jashtë New York-ut, në fillim të javës së kaluar.

Nets momentalisht radhiten në pozitën e parë në Konferencën Lindore me një rekord prej 21 fitoresh e nëntë humbjesh.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.