Një ndër filmat më të suksesshëm kosovar “Zgjoi”, së fundmi është dhënë premierë edhe në kinematë e Shteteve të Bashkuara të Amerikës, ndërkohë që të mërkurën e 9 nëntorit ai është shfaqur para publikut të Washington D.C.
Pjesë e audiencës së “Zgjoi” ishte edhe këngëtarja me prejardhje shqiptare dhe famë internacionale, Dua Lipa, e cila la të kuptohej se ishte mahnitur nga ky prodhim kinematografik, që nxjerr në pah historinë e errët të grave të Krushës në Kosovë.
Madje, Lipa, nuk ka hezituar që t’i ndajë me miliona ndjekësit e saj në Instagram disa imazhe nga momentet e kaluara në premierën e “Zgjoi”, ku po shoqërohej me Presidenten e Republikës së Kosovës, Vjosa Osmanin, regjisoren e filmit, Blerta Bashollin si dhe aktoren, Yllka Gashi, teksa uroi që ky film të fitojë një çmim “Oscars”.
“Mbrëmë në shfaqjen e ‘HIVE (Zgjoi)’ – Një film i bukur i cili tregon historinë prekëse dhe frymëzuese të Fahrije Hotit dhe grave të Krushës. Kjo histori lufte dhe këmbënguljeje është ajo që duhet treguar. Ajo flet për shpirtin e përvojës kosovare dhe shpresoj se mund të ndihmojë në shërimin kolektiv të familjeve që u ndanë dhe njerëzve që humbën të dashurit e tyre”.
“Jam shumë krenare për atë që ka arritur Blerta Basholli – është një frymëzim i vërtetë. ‘HIVE’ përfshiu bordin e Sundance dhe mezi pres me shpresë që ta shoh atë të marrë një ‘Oscars’. Duhet të shikohet”, ka shkruar mbi fotografitë e publikuara, ylli i hitit “New Love”.
Mes tjerash, Dua e shoqëruar nga Vjosa Osmani pritet që të marrë pjesë në mbrëmjen e ndarjes së çmimeve të “Lidershipit të Shquar 2021 në Këshillin Atlatanik.
Lipa kishte rezervuar komplimente të shumta ndërsa ka parakaluar në tepihun e kuq duke rrëmbyer vëmendjen me fizikun e saj të përsosur dhe disa flutura interesante në fustanin që kishte veshur, e që ishte i inspiruar nga moda e vitit 2000.
Dua Lipa në koncertin “An Audience with Adele”.
Pos, Dua Lipës, në koncertin e Adele të mbajtur në “London Palladium”, pjesë kanë marrë edhe figura të tjera publike, të tilla si modelja, Naomi Campbell e aktorja, Emma Watson.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hasani nis vizitën në Kroaci në takim me Plenkoviç, merr mbështetje për integrimin evropian
-
Asllani pas fitimit të titullit: Si tifoz i Interit nuk mund të kërkoj më shumë
-
Antony Blinken kundërshton pretendimet se Amerika po mban “standard të dyfishtë” për Izraelin
-
Goncharenko: Respekt për Kosovën, por ajo s’është çështja kryesore për Ukrainën