“Dëgjova që Bojken Lako mund të shkojë në burg”.
Kështu e nis etydin, gazetari dhe ish-deputeti Ben Blushi në shpengimin e këngëtarit.
Fillimisht Blushi tregon se si e kontaktoi Lakon.
“I çova një sms. M’u përgjigj pas dy ditësh. A mund të takohemi pas orës 11 paradite, më tha. Deri në atë orë punoj”.
Shkrimi i pashënjuar nga presjet dhe pika, si hapësira mes tij dhe këngëtarit, i bën bashkë në rrugën e ambasadave.
Biseda kthen protagonistët në të kaluarën e njërit dhe në të tashmen e tjetrit.
“Ça bën, i thashë. Punoj në një televizion, tha. Zgjohem çdo ditë në ora 5 të mëngjesit. Ça thua, i thashë, kur unë drejtoja një televizion askush nuk zgjohej në 5 të mëngjesit. Epo varet ça televizioni ke punuar, tha Bojken”.
Krejt natyrshëm, biseda gjen shkakun pa shkuar te qëllimi, duke i kujtuar edhe të tashmes hijet e së kaluarës.
“Isha me 100 km në orë te rruga Myslym Shyri. Vetëm një herë jam dëmtuar në makinë dhe kjo ka ndodhur kur makina ishte e parkuar, thashë unë”.
Referuar ngjarjes së fundit, ku këngëtari u dënua me tre vite burg, e cila u konvertua në “shërbim prove”, Lako bën rrëfyesin në shkrimin e Blushit.
“Kam marr një magazinë me qira. Për koncerte. Aty bëheshin bukët për ushtrinë. Dritaret ishin mbyllur me tullë. Vendosëm t’i hapnim për ajër. I ramë me vare. I prishëm”.
Formalitetet mbeten për kornizat e proceseve, ndërsa detajet vijnë gjithmonë nga rutina e të folurit për të vërtetën.
“Na spiunuan komshinjtë. Ata do ndërtonin pas nesh dhe muri duhej të ishte kallkan. Pa dritare. Sipas kodit penal dënimi ishte nga 3 në 6 vjet burg. Ishte shtuar një nen i ri”.
Në përmbyllje, Blushi i tregon se ky shkëmbim mes tyre do të hidhet “e zeza në të bardhë”.
“Shkruaj çfarë të duash, tha. Jo, i thashë ato që më the për atë gruan në burg nuk i shkruaj. Si të duash, tha. Dhe iku”.
Për të lexuar shkrimin e plotë klikoni KËTU
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
5 mijë vizitorë në 3 muaj, Rama: Shqipëria, destinacioni më i sugjeruar
-
Parashikimi i motit, 19 prill 2024
-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
Lajmet kryesore
-
Izraeli sulmon Iranin: Drone mbi bazën ajrore ushtarake në Isfahan
-
5 mijë vizitorë në 3 muaj, Rama: Shqipëria, destinacioni më i sugjeruar
-
Sulmi në Iran, baza dhe prodhimi i raketave: Pse Isfahani është një objektiv
-
Dinari shtyhet në skaje pas “pengmarrjes” së kosovarëve nga “shteti mafioz” i Serbisë