Përmes një njoftimi në Twitter, Komisioni Evropian, paralajmëroi se kjo javë do të jetë e dedikuar për tematikën e energjisë së rinovueshme brenda sferës evropiane – përfshi Komisionin dhe Bashkimin Evropian.
I gjithë blloku do të jetë i angazhuar me aktivitete nga data 25 deri në datën 29 tetor sa i takon politikave klimatike apo organizimeve rinore që do të jenë përmbyllëse e javës.
E hëna e 25 tetorit do të nisë me hapjen e edicionit të 16-të të Javës së Energjisë së Qëndrueshme të BE-së me temën “Drejt vitit 2030: Riorganizimi i Sistemit Evropian të Energjisë”.
The EU Sustainable Energy Week starts tomorrow!
⚡ Biggest European conference dedicated to renewables and efficient energy use.
📌 Theme: 'Towards 2030: Reshaping the European Energy System'.
👩💻 Happening online, registrations still open.#EUSEW2021 #EUGreenDeal
— European Commission 🇪🇺 (@EU_Commission) October 24, 2021
Protagonistët e ditës hapëse do të jenë Presidentja e Komisionit, Ursula von der Leyen, dhe Komisioneri për Energjinë, Kadri Simson.
Edhe këtë vit, konferenca katërditore do të jetë e organizuar në një format virtual, me 32 sesione të ndryshme dhe 40 bisedime për energjinë.
Nga këto takime pritet të shihet nga afër se si sektori i energjisë mund të japë një kontribut vendimtar në reduktimin e emetimeve të gazeve serrë në BE me të paktën 55% deri në vitin 2030.
Pikat kryesore të programit të këtij viti përfshijnë ceremoninë e ndarjes së Çmimeve me 5 kategori të ndryshme.
Folësit e ftuar gjatë javës përfshijnë Administratorin e Programit të Zhvillimit të Kombeve të Bashkuara, Achim Steiner dhe klimatologun e mirënjohur Jean-Pascal van Ypersele.
Situata e energjisë së rinovueshme
Agjencia Ndërkombëtare e Energjisë (IEA), gjatë muajit maj doli në përfundimin se industria botërore e energjisë së rinovueshme u rrit me ritmin e saj më të shpejtë vitin e kaluar.
Pavarësisht nga vështirësitë që ka shkaktuar pandemia, kjo rritje nuk ishte parë që prej vitit 1999.
Vëzhguesi global i energjisë zbuloi se shpërndarja e projekteve të energjisë së rinovueshme, duke përfshirë mullijtë e erës dhe projektet e energjisë diellore, u rrit me 45% vitin e kaluar duke bërë një përparim për industrinë globale.
Kapaciteti i energjisë së erës u dyfishua gjatë vitit të kaluar. Ndërsa energjia diellore u rrit me gati 50% më shumë se rritja e saj para pandemisë.
Kjo e fundit ka ardh për shkak të dëshirës në rritje për energji të pastër nga qeveritë dhe korporatat.
Shqipëria dhe energjia e rinovueshme
Agjencia Kombëtare e Burimeve Natyrore në Shqipëri (AKBN) bëri me dije në muajin shtator se 29 kompani kanë marrë miratimin paraprak ose përfundimtar për ndërtimin e impianteve të prodhimit të energjisë nga dielli dhe era.
Në këtë mënyrë do të shihet, sipas agjencisë, edhe një rritje e kapaciteteve gjeneruese ne vend.
AKBN-ja njoftoi gjithashtu se deri në fund të këtij viti pritet certifikimi i 12 impianteve fotovoltaikë.
Detajet mbi statusin e këtyre miratimeve u bënë me dije gjatë workshop-it “Promovimi i masave evropiane për energjinë e rinovueshme të qëndrueshme”.
Fokusi i këtij projekti, të financuar nga Bashkimi Evropian, ishte rëndësia e energjisë së rinovueshme.
Shtetet të përfshira në këtë projekt janë Italia, Shqipëria dhe Mali i Zi.
Më mirë se vendet e rajonit
Kryeministri i Shqipërisë, Edi Rama, ka deklaruar më herët se dy termocentralet e mëdha diellore që Voltalia do të ndërtojë, do ta çojnë Shqipërinë në krye të Ballkanit në këtë sektor.
Rama shprehu ambicien që vendi të bëhet një kampion rajonal në prodhimin e energjisë së rinovueshme deri në vitin 2030.
Shqipëria ishte zhytur në mbeturinat dhe ndotjen e tetë viteve më parë, por tani është “shumë më ndryshe”, nënvizonte kryeministri gjatë një fjalimi që shënonte fundin e fushatës elektorale të 25 prillit.
“Sidoqoftë, që ne të bëhemi kampionë rajonalë të pakrahasueshëm deri në fund të kësaj dekade, lufta për mbrojtjen e mjedisit duhet të intensifikohet, pasi landfillet primitive dhe ndotja shqetësuese e ujit dhe ajrit janë vetëm pjesa më e dukshme e problemeve mjedisore”, shtoi më tej Rama.
Programi i investimeve, i nisur gjatë mandatit të dytë, është “një shkak për entuziazëm” për të parë që vendi të bëhet “kampioni rajonal i prodhimit të rinovueshëm deri në vitin 2030”, sipas fjalëve të tij.
Qeveria i hapi rrugën Voltalia-s të ndërtojë termocentrale diellore në Karavasta dhe Spitalle, “më të mëdhatë në rajon”.
Vendi do të bëhet një eksportues neto i energjisë deri në fund të dekadës, ravijëzoi kryeministri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n