Boksierja kosovare Donjeta Sadiku ka arritur në gjysmëfinale të turneut të famshëm ndërkombëtar “Strandja” që po zhvillohet në Sofia të Bullgarisë.
Kosovarja në çerekfinale e mposhti rusen Ordina Aleksandrova me rezultat 5:0 në kategorinë deri në 60 kg, duke u kualifikuar në gjysmëfinale.
Boksieri kosovar Besart Pireva përkundër fitore ndaj kroatit Leo Cvetkovic, ai u mposht pastaj nga ukrainasi Kost Maxym, në kategorinë deri në 81 kg.
Boksierët tjerë, Patriot Behrami dhe Shpëtim Bajoku pësuan humbje, përkundër se Bajoku me potencialin e shfaqur ka mundur t’i takojë edhe fitorja.
Kujtojmë që drejtësinë në këtë turne, i cili llogaritet ndër më të fortët në Evropë, po e ndanë edhe gjyqtari i mirënjohur kosovar, Latif Demolli.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
