Festivali i Filmit në Kanë do të shfaqë një dokumentar të ri, që tregon protestat pro-demokracisë në Hong Kong 2019 dhe hedh dritë në historitë e protestuesve.
“Revolucioni i Kohëve tona”, nga regjisori vendas i Hong Kongut, Kiwi Chow, ndjek historinë e disa protestuesve dhe dokumenton përplasjet me policinë, në atë që regjisori më parë i përshkroi Reuters si përpjekjen e tij për të ndihmuar lëvizjen të vazhdonte.
Kina prezantoi një ligj gjithëpërfshirës të sigurisë kombëtare një vit më parë, për të goditur atë që ajo e konsideron përmbysjen, secesionizmin, terrorizmin dhe bashkëpunimin me forcat e huaja, dhe kinematë, universitetet dhe galeritë e artit kanë anuluar shfaqjet ose ekspozitat e veprave që kanë lidhje me protestën.
Qeveria e Hong Kongut kohët e fundit miratoi udhëzime të reja që lejojnë autoritetet të censurojnë filmat mbi bazën e ruajtjes së sigurisë kombëtare.
“Të jesh në gjendje të kesh një premierë në festivalin e Kanës është një shans i mirë për t’i bërë të ditur botës se ka akoma njerëz që vazhdojnë të qëndrojnë në Hong Kong”, i tha Chow Reuters.
“Shpresoj që ata të kuptojnë se çfarë ndodhi në 2019-n dhe të sjellin disa frymëzime në botë”.
Chow tha se ai punoi lirshëm në dokumentar, pa u përpjekur të mendonte për ndonjë reagim të mundshëm.
“Unë përpiqem më të mirën time për të injoruar nëse dokumentari do të kalojë vijën e kuqe”, tha ai.
Organizatorët e Kanë-s thanë se ata qenë të interesuar që kur kishin parë klipet e hershme.
“Ne jemi krenarë që kemi paraqitur këtë film, përmes të cilit kinemaja mund të ndriçojë një moment të rëndësishëm në lajmet botërore”, tha drejtori i festivalit të Kanës, Thierry Fremaux, në një deklaratë.
Chow ka bërë filma artistikë, duke përfshirë filmin distopian “Ten Years: Self Immolator” në 2015-n dhe dramën romantike “Beyond The Dream”, e cila u shfaq në kinematë Hong Kong, vitin e kaluar.
Ai i tha Reuters në qershor se ishte frymëzuar për ta kthyer aparatin e tij drejt protestave kur ai u bë dhe aktivist në 2019-n, ku pa punëtorë të qytetit si pastruesit, të ndërmerrnin veprime rezistence.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Enver Petrovci, pjesë e kastit të filmit puro propagandues serb kundër shqiptarëve – “Konsulli Rus”
-
Sydney Sweeney thotë se është “tejet e emocionuar” për sezonin e tretë të “Euphoria-s”
-
“Biznesmeni” përtej teatrit
-
“Taylor Swift: The Eras Tour” thyen rekordin e Disney+ si filmi muzikor më i transmetuar ndonjëherë