Kryeministri i Shqipërisë, Edi Rama, ka reaguar në përmbyllje të samitit BE-Ballkani Perëndimor, duke garantuar se do të vijojë puna “për Shqipërinë si anëtare e mirë e BE-së”.
“Ne do të vazhdojmë dhe do të punojmë edhe më shumë për ta bërë Shqipërinë një anëtare të mirë të BE-së”, u shpreh fillimisht kryeministri në Twitter.
Nice place nice people nice words nice pictures and just imagine how much nicer could be if nice promises were followed by nice delivery… But we Albanians are not as nice as to give up nicely! So we will keep going and working even harder to make Albania a nice EU member😀🇦🇱 pic.twitter.com/j057Ywf2tY
— Edi Rama (@ediramaal) June 23, 2022
Ai e ka përshkruar situatën pas takimit me udhëheqësit e BE-së si një “vend të bukur, me njerëz të këndshëm, me fjalë të bukura dhe foto të bukura”.
“Imagjinoni”, shkruan Rama, “sa më e bukur mund të ishte nëse premtimet e bukura do të pasoheshin nga një lajm i këndshëm”.
Në përmbyllje të reagimit, kreu i qeverisë theksoi se “ne shqiptarët nuk jemi aq të mirë sa të dorëzohemi bukur”.
Më herët, Rama e konsideroi bllokimin e Bullgarisë në përparimin e Maqedonisë së Veriut për t’u anëtarësuar në Bashkimin Evropian si një “turp”.
Deklara erdhi teksa mbërriti në samitin e posaçëm të Ballkanit me liderët e BE-së, të cilët ai i akuzoi gjithashtu për “impotencë”.
“Është një turp që një vend i NATO-s, Bullgaria, rrëmben dy vende të tjera të NATO-s, pikërisht Shqipërinë dhe Maqedoninë e Veriut, në mes të një lufte të nxehtë në oborrin e shtëpisë së Evropës me 26 vende të tjera të BE-së të ulur në një shfaqje të frikshme impotence”, theksoi Rama para gazetarëve, duke iu referuar pushtimit rus të Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar
Lajmet kryesore
-
E ardhmja e Shqipërisë nuk është te njerëzit e përfshirë në korrupsion, thotë Wisner
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Foto e shtypit botëror: Në ato fytyra të padukshme shprehet forca e dhimbjes
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it