Nesër zhvillohet një ndër ndeshjet më të rëndësishme të vitit në Munich, mes Bayern-it dhe Barcelonës.
Kjo ndeshje në fakt, rëndësi jetike ka për katalunasit, pasi Bayern e ka siguruar kualifikimin si e para e grupit.
Matematikat janë të shumta, dhe grupi E mund të vendoset në shumë mënyra të ndryshme.
Por, nëse Benfica triumfon në Lisbon përballë Dinamo Kiev, atëherë punë katalunasve i bën vetëm fitorja në Bavari.
Historinë kundër Bayern-it, blaugranët nuk e kanë edhe aq të mirë. Viteve të fundit, Bayern ka qenë shumë problematike për ta, madje duke ia shkaktuar edhe humbjen më të thellë në histori të garave Evropiane, 2-8.
Edhe pse kualifikimin e ka të sigurt, duket se këtë ndeshje Bayern-i do ta marrë shumë seriozisht.
Këtë e ka bërë të ditur trajneri i klubit bavarez, Julian Nagelsmann
“Do të luajmë me skuadrën më të mirë që kemi në dispozicion”, ka thënë ai.
Ai madje thumboi edhe klubin katalunas, duke dërguar përshëndetje për Benfica-n.
“Përshendetje në Lisbon, përshendetje Benfica-s, mos u shqetësoni”.
Barcelona nesër do të jetë pa yllin e skuadrës, Ansu Fati, i cili ende nuk ka arritur të rikthehet nga lëndimi.
Një eliminim për në Europa League, do të ishte një goditje shumë e rëndë për bluagranët, të cilët po kalojnë një periudhë brenda dhe jashtë fushe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com