Novak Djokovic ka shënuar fitore në ndeshjen e tij të parë në “ATP Dubai”, teksa mposhti me rezultat 2:0 me sete (6:3, 6:3) tenistin italian, Lorenzo Musetti.
Kjo ndeshje doli të jetë e lehtë për Djokovic-in, të cilit i mjaftuan vetëm 1 orë e 15 minuta, për të triumfuar përballë italianit, i cili renditet në vendin e 58-të.
Kjo ishte ndeshja e parë e tenistit serb, që kur u dëbua nga “Australian Open” për shkak të thyerjes së rregullave anti-COVID.
Numri një i botës në tenis, në raundin tjetër do të përballet me fituesin e çiftit mes Karen Khachanov dhe Alex De Minaur.
Ndërkohë, u rikthye të luajë edhe tenisti britanik, Andy Murray, i cili shënoi fitore të vështirë përballë australianit, Christopher O’Connell.
Murray arriti të përmbyste epërsinë, pasi që setin e parë e humbi me rezultat 6:7, pas “tie-berak”.
Në dy setet pasardhëse, Andy shënoi fitore me rezultat 6:3 dhe 7:5, për tu kualifikuar në raundin tjetër të kësaj gare.
Kujtojmë që në raundin tjetër, Murray do të përballet me fituesin e duelit Alejandro Davidovich Fokina – Jannik Sinner.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Zgjedhjet në RMV, Osmani: Qytetarët kanë dy opsione – integrim apo izolim
-
Basha akuzon Metën: Ke qenë nxitësi kryesor i djegies së mandateve, solle Ramën në pushtet
-
Raporti i “Freedom House”: Korrupsioni çështje serioze shqetësuese në Kosovë