Djali i aktorëve Ben Affleck dhe Jennifer Garner, Samuel Garner Affleck, shkaktoi një aksident të vogël të dielën e 26 qershorit.
Aktori dhe e fejuara e tij, këngëtarja Jennifer Lopez ishin me një shitës makinash luksoze, në Los Angeles kur Samuel Garner Affleck mori timonin.
Sipas raportimeve nga mediat e huaja, Affleck e la djalin 10-vjeçar, në sediljen e drejtimit të një “Lamborghini”, dhe fëmija aksidentalisht e përplasi atë me një makinë të tipit “BMW”.
Në ato momente Affleck ishte jashtë makinës dhe Lopez ishte ulur pas Samuelit në anën e shoferit, shkruan e përditshmja “Daily Mail”.
Më pas, ylli i ”Good Will Hunting” përqafoi djalin e tij dhe e siguroi atë se ai nuk kishte shkaktuar ndonjë dëm.
Një përfaqësues i Affleck tha për revistën “TMZ” se asgjë nuk ishte dëmtuar dhe të gjitha palët e përfshira ishin mirë pas incidentit.
Samuel është fëmija më i vogël i Affleck me ish-gruan e tij, aktoren Jennifer Garner. Ish-çifti ka edhe vajzat Violet dhe Seraphina.
Aktorja e “Alias” ishte e martuar më parë me Affleck, të cilin e takoi në xhirimet e filmit “Pearl Harbor” të vitit 2000, dyshja u bashkuan zyrtarisht dy vjet më vonë.
Ata u ndanë në vitin 2015, por divorci i tyre u finalizua në vitin 2018.
Aktorja aktualisht është në një lidhje me sipërmarrësin John Miller që prej vitit 2018, ndërsa Affleck së fundmi u fejua me Lopez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com