Java e 21-të e Bundesliga vjen me ndeshje shumë interesante dhe vendimtare për çdo pozitë.
Të premtën u zhvillua ndeshja mes Arminia Bielefeld dhe Wolfsburg, e cila përfundoi me fitoren e musafirëve me rezultatin 0-3.
Në program sot janë edhe pesë ndeshje tjera.
Kryesuesit e Bayern Munich vizitojnë Eintracht Frankfurt-in në super formë për ndeshjen më interesante të javës në Gjermani.
Skuadra e Frankfurt ka fituar pesë nga gjashtë ndeshjet e fundit, duke qenë skuadra e momentin në Bundesliga.
Bayern vjen nga një barazim surprizë me Arminia Bielefeld brenda në “Allianz Arena”.
Një tjetër hap fals i bavarezëve do hapte tërësisht garën për titull në Gjermani.
Tre orë pas ndeshjes së Bayern, me fillim nga ora 18:30 vjen derbi i Ruhr-it.
Kjo ndeshje vjen në situatë shumë të pazakontë, me vendasit e Schalkes që kanë grumbulluar vetëm nëntë pikë pas 21 ndeshjesh.
Vetëm mrekullia mund t’i shpëtojë vendasit nga rënia në kategorinë e dytë.
Në anën tjetër, Dortmund vjen pas një fitore të madhe në Champions League, por në një formë të dobët në Bundesliga.
Verdhezinjtë kanë fituar vetëm një nga pesë ndeshjet e fundit, duke humbur tre dhe barazuar një.
Ndeshjet tjera të ditës janë:
Monchengladbach – Mainz, 15:30
Koln – Stuttgart, 15:30
Freiburg – Union Berlin, 15:30
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë