Kreu i ri i Ushtrisë Britanike, ka anuluar dislokimin e një batalioni të Regjimentit të Parashutistëve në Kosovë dhe Bosnje e Hercegovinë, pas publikimit të një videoje ku disa nga ushtarët e këtij batalioni shihen duke marrë pjesë në një orgji në njërën nga bazat ushtarake në britanik.
Anëtarët e regjimentit “3 Para” kanë regjistruar një video duke bërë seks me një grua në kazermën Merville në Colchester.
Pas këtij skandali, shefi i shtabit të përgjithshëm, Gjenerali Sir Patrick Sanders vendosi që regjimenti “3 Para” nuk do t’i bashkohen një operacioni të NATO-s në Kosovë, i cili është planifikuar të mbahet gjatë verës, shkruan gazeta prestigjioze britanike, “The Independent”.
Në letrën drejtuar Regjimentit të Parashutës shkruan se vendimi ishte “bazuar në incidentet e fundit disiplinore”.
Një hetim i Policisë Ushtarake Mbretërore, i nisur për të përcaktuar se si gruaja hyri në kazermë, kishte konkluduar se në këtë rast asnjë ligj nuk ishte shkelur.
Megjithatë sipas Gjeneralit, një akt i tillë ishte e papranueshme dhe e dëmshme për reputacionin e Ushtrisë.
“Unë e di që batalioni do të përgjigjet shpejt dhe do të rivendosë reputacionin që meriton” shtoi ai.
“Mesazhi im për Ushtrinë është i qartë: Licenca jonë për të vepruar bazohet në besim dhe ne duhet të mbajmë veten sipas standardeve më të larta”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
There’s Still Tomorrow – Filmi që mundi Barbie-n në Itali
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit