Pas vendosjes së vetos për simbolet shtetërore të Shtetit të Kosovës nga ana e Spanjës në Samitin BE-BP në Slloveni, ku megjithatë Kryeministri i Spanjës, Pedro Sanchez, mori pjesë, ky i fundit prezencën e Spanjës e justifikoi si “të domosdoshme”.
Përkundër mos-njohjes së shtetësisë së Kosovës, dhe refuzimeve të kamotshme të Spanjës të participojë në forume ku merr pjesë edhe Kosova, kryeministri spanjoll deklaroi se tani “Spanja duhet të merr pjesë në të gjitha forumet”.
Kështu bën të ditur gazeta spanjolle El Mundo.
Ndërsa brenda spektrit politik spanjoll kanë shpërthyer akuza të mëdha ndaj shefit të ekzekutivit të Spanjës, për, siç shkruajnë ata, “shkëputje nga pozicioni i kamotshëm i Spanjës ndaj pavarësisë së njëanshme të Kosovës”.
Un nuevo despropósito en la política exterior de Sánchez: Rompe con más de una década de posición del Estado sobre Kosovo y acepta su declaración unilateral de independencia.
No es torpeza, es entreguismo. pic.twitter.com/tpqKoPEv25
— Pablo Hispan (@HispanPablo) October 6, 2021
Opozitari spanjoll Pablo Hispan për pjesëmarrjen e Sanchez në Samit së bashku me Kosovën e ekzagjëroi deri në fatalitet.
“Pjesëmarrja e Sanchez nuk është vetëm paaftësi, por edhe dorëzim”, shkroi ai në Twitter.
Ndërsa shkroi edhe se “Sanchez-i pranon ta mbrojë e te ulet në diskutime me Kosoven” duke e interpretuar kështu pohimin e Sanchez-it se “Spanja duhet të merr pjesë në të gjitha forumet”.
Mirëpo, këtij vendi i është garantuar që në takime nuk do të ketë simbole shtetërore, pasi Spanja nuk e njeh shtetësinë e Kosovës.
Në këtë samit, Kosova do të përfaqësohet nga kryeministri, Albin Kurti, ministrja e Punëve të Jashtme, Donika Gërvalla dhe ministri i Financave, Punës dhe Transfereve, Hekuran Murati.
Ky samit i rregullt, është mbajtur vitin e kaluar përmes video-lidhjes, për shkak të pandemisë së Coronavirusit, ndërsa më 2018 në të nuk ka marrë pjesë ish-presidenti spanjoll, Mariano Rajoy, për shkak të pjesëmarrjes së Kosovës.
Edhe në takimin përmes video-lidhjes, simbolet që identifikojnë Kosovën si shtet janë shmangur, dhe njësoj pritet të ndodhë edhe këtë vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Komandanti i KFOR-it ftohet nga Serbia në stërvitjen ushtarake që organizohet 30 kilometra nga kufiri i Kosovës
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it
-
Thaçit e Veselit u vazhdohet paraburgimi
-
Kosova do të përfaqësohet nga Osmani në seancën e radhës së Këshillit të Sigurimit
Lajmet kryesore
-
E ardhmja e Shqipërisë nuk është te njerëzit e përfshirë në korrupsion, thotë Wisner
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Foto e shtypit botëror: Në ato fytyra të padukshme shprehet forca e dhimbjes
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it