Dialogu Kosovë-Serbi dhe çështja e liberalizimit të vizave për kosovarët, do të jenë dy top-prioritetet e Republikës Çeke gjatë kryesimit të Këshillit të Bashkimit Evropian, kryesim të cilën e ka pranuar sot nga shteti i Francës për një periudhë gjashtë mujore.
Në kryesimin e saj gjashtëmujor, Çekia ka caktuar prioritetet e saj, ndërsa duke iu referuar Ballkanit Perëndimor, prioritet mbeten progresi në negociatat për zgjerim të BE-së dhe mbështetja e procesit të anëtarësimit të vendeve të Ballkanit Perëndimor në BE.
Udhëheqësi i Ambasadës së Çekisë në Kosovë, Pavel Bilek, dhe ambasadori i BE-së në Kosovë, Tomas Szunyog, kanë mbajtur një ceremoni në Prishtinës ku kanë prezantuar prioritetet e Çekisë gjatë kryesimit të Këshillit të BE-së.
Të pranishëm në këtë ceremoni ishte edhe presidentja Vjosa Osmani, kryeministri Albin Kurti dhe përfaqësues tjerë politikë, e nga shoqëria civile.
Në fjalën e saj Osmani, ka ripërsëritur synimin e Kosovës për të kandiduar për statutin e vendit kandidate për anëtarësim në BE.
Në anën tjetër, i pari i ekzekutivit, ka thënë se Kosova ka dëshmuar se është shtet pro-evropian duke iu bashkuar shteteve që ka vendosur sanksione ndaj shtetit rus e duke i ndihmuar refugjatët ukrainas.
“Qytetarët e Kosovës shpresojnë që presidenca çeke do ta bëjë të mundur liberalizimin e vizave dhe t’i japë fund izolimit të kosovarëve. Jemi vendi i vetëm qe kemi plotësuar kriteret dhe nuk e kemi marrë liberalizimin e vizave”, është shprehur ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë