Kultura

Dhjetë mrekullitë e artitekturës moderne


 

Një  prej zhvillimeve më të mëdha të kohës janë edhe ndërtesat, ku sot mund të flasim për mrekulli të arkitekturës moderne njëjtë si me ato të kohëve të lashta.

Gjithkush është i njohur me shtatë mrekullitë e botës së lashtë, të quajtura kështu, sepse ishin bëmat e shquara të arkitekturës dhe inxhinierisë duke pasur parasysh teknologjinë e kufizuar dhe mjetet primitive.

Sidoqoftë, disa ndërtesa moderne nuk kanë asgjë më pak se këto mrekulli, pasi teknologjia dhe dizajni i përdorur për t’i ndërtuar ato i bën jashtëzakonisht të veçanta.

Ja 10 mrekullitë arkitekturore moderne të botës. 

  1. Burj Khalifa 

Kjo është ndërtesa më e lartë në botë për 2018.n dhe është dizenjuar duke pasur parasysh aspektin estetik dhe stabilitetin e ndërtesës. Ajo ka më shumë se 200 kate dhe ka një lartësi prej 828 metra.

  1. Sydney Opera House 

E vendosur në Sydnej, Australi, kjo ndërtesë është e njohur për formën dhe vendndodhjen e saj dalluese në brigjet e Sidneit me pamje nga deti i bukur. Ndërtimi i saj filloi në vitin 1957 dhe u përfundua pas 16 vjetësh.

  1. Qendra Kombëtare e Arteve, Beijing 

I njohur gjithashtu si Teatri Kombëtar i Madh, kjo mrekulli moderne arkitekturore është një nga tre ndërtesat e veçanta moderne me vendodhje në Kinë që janë pjesë e kësaj liste. Ndërtesa ovale u ndërtua duke përdorur titan dhe xham dhe u projektua nga arkitekti francez Paul Andrew për t’u përfunduar në gjashtë vjet.

  1. Stadiumi Kombëtar i Bejingut 

Ky kompleks sportiv është ndërtuar posaçërisht për Olimpiadën e Pekinit të vitit 2008 dhe është një nga strukturat më të mëdha të çelikut në botë. Ajo ka një kapacitet prej 91 mijë njerëz dhe kulmi është i shkëputur për të kontrolluar temperaturën e brendshme të stadiumit në varësi të sportit që luhet brenda.

  1. Muzeu Guggenheim 

Ky muze konsiderohet si një nga strukturat më të rëndësishme të kohës, sepse ndryshoi mënyrën se si njerëzit mendojnë për muzetë në botë nga aspekti i artit dhe arkitekturës. Ndërtesat e ndërlidhura e bëjnë atë muzeun më të madh në Spanjë. Ai përfshin një sipërfaqe prej 24 mijë metra katrorë dhe rreth 11 mijë metra katror i dedikohen hapësirës ekspozuese.

  1. Zyrat Qëndrore të CCTC

Selia e tretë moderne është një nga mrekullitë arkitekturore në Kinë, kjo ndërtesë ka një formë të parregullt gjeometrike dhe përbëhet nga dy kulla të përkulura që bashkohen në krye duke u takuar pingul

  1. Pallati i Arteve Mbretëresha Sofi 

Opera e dytë e cila është pjesë e kësaj liste, kjo strukturë është e vendosur në Valencia në Spanjë dhe është projektuar nga arkitekti spanjoll, Santiago Calatrava. U deshën 10 vjet për t’u përfunduar dhe u përurua në vitin 2005. Është ndërtesa e Operas më e lartë në botë, me shtatëmbëdhjetë kate prej të cilave tre në nëntokë.

 

  1. Kullat Petronas 

Kullat Petronas në Kuala Lumpur, Malajzi janë strukturat më të larta binjake në botë me secilën prej kullave prej 88 kate. Kjo ndërtesë u përurua në vitin 1999 dhe ishte struktura më e lartë në botë për pesë vjet derisa Taipei 101 u ndërtua në 2004.

  1. St. Mary Axe

Kjo ndërtesë e vendosur në zemër të Londrës është e mrekullueshme jo vetëm për shkak të formës dhe pamjes së saj, por edhe për shkak se ishte gradaçela e parë eko-miqësore në Londër. Materiali i ndërtimit është kryesisht qelqi dhe çeliku.

 

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore