Penallti për ty, penallti për atë, penallti për të gjithë.
Juventus – Inter, përveç që ishte ndeshja e sezonit për bardhezinjtë, kishte edhe një protagonist tjetër, pikën e bardhë të 11 metrave.
Minuta e 24-të, penallti për Juventus-in.
Cristiano Ronaldo e merr përsipër, godet dhe humbet.
Pritja e Handanovic, fatmirësisht për Portugezin, u kthye në këmbët e tij, dhe me portën bosh, shënoi me lehtësi.
Minuta e 35-të, penallti për Inter-in. Lukaku shënon, zikaltërit barazojnë shifrat.
Në momentet kur gjyqtari po bëhej gati të vërshëllente për përfundimin e pjesës së parë, Cuadrado u ngjit në skenë.
Me një goditje qëndrore, ai shënoi për epërsinë e dytë të skuadrës së Pirlo-s.
Gjithçka ndryshoi në minutën e 58, kur kartoni i dytë i verdhë i Bentancur, i la me 10 lojtarë në fushë bardhezinjtë.
Shtatë minuta para fundit, të paktën për afro 400 sekonda, Chiellini u shndërrua në figurën më të urryer në Torino.
Ai shënoi autogol, me shifrat që u barazuan në 2-2.
Por, erdhi minuta e 88-të, dhe një tjetër penallti u akordua, e dyta për Juventus-in.
Cuadrado e morri përsipër, me Ronaldo-n që nuk ishte në fushë.
Ai shënoi, dhe ndeshja përfundoi rezultat 3-2.
Juventus mbetet gjallë për zonën Champions, por gjithçka është në dorën e rivalëve të tyrë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Çitaku, Kurtit: Do mbahesh mend si Kryeministri i Autonomisë Politike për serbët e pjesës Veriore