Depp poston videon e parë në TikTok, ka një mesazh për fansat

Johnny Depp ka filluar të bëjë lëvizje në rrjetet sociale menjëherë pasi fitoi gjyqin kundër ish-bashkëshortes Amber Heard.

Aktori 58-vjeçar, iu bashkua zyrtarisht platformës së mediave sociale “TikTok”, duke ndarë një video për të shprehur falënderimet e tij për fansat dhe mbështetësit që i qëndruan pranë gjatë gjithë gjyqit.

“Për të gjithë mbështetësit e mi më të çmuar, besnikë dhe të palëkundur. Ne kemi qenë kudo së bashku, kemi parë gjithçka së bashku. Ne kemi ecur në të njëjtën rrugë së bashku. Ne bëmë gjënë e duhur së bashku, të gjitha sepse ju kujdeseni”, ka shkruar Depp.

Depp – llogaria e të cilit është verifikuar me një shenjë të kaltër – aktualisht ka mbi 3 milionë ndjekës.

Klipet e shpërndara nga aktori i “Pirates of the Caribbean”, tregojnë fansat e mbledhur përgjatë rrugëve, që mbanin tabela të cilat tregonin mbështetjen e tyre për aktorin, ndërsa ai i përshëndeste nga makina.

“Dhe tani, ne do të ecim përpara të gjithë së bashku. Ju jeni, si gjithmonë, punëdhënësit e mi dhe përsëri jam i pakënaqur në asnjë mënyrë për të thënë faleminderit, përveçse thjesht duke thënë faleminderit. Pra, faleminderit. Dashuria dhe respekti im, JD”, ka përfunduar ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.