Vaksina e tretë ruse kundër Covid (CoviVac), e zhvilluar nga qendra kërkimore Chumakov, do të dalë në qarkullim për popullatën ditën e shtunë, 28 mars.
Kjo u njoftua të martën nga zëvendës kryeministrja, Tatiana Golikova, në stacionin televiziv Russia Today (RT) “Duke filluar nga fundi i Marsit, ne do të fillojmë të rrisim prodhimin e vaksinave EpiVacCorona. 500 mijë doza do të hyjnë së shpejti në qarkullim për popullatën civile”.
“Besoj se dërgesat e para të CoviVac të qendrës Chumakov do të bëhen në 28 Mars ».
Vaksina e zhvilluar në Qendrën e Kërkimeve Virologjike Chumakov në Moskë, përfshin administrimin e dy dozave dhe përbëhet nga grimca joaktive të virusit SARS-CoV2.
Vaksina e re u regjistrua në 19 Shkurt nga Ministria e Shëndetësisë e Federatës Ruse.
Me CoviVac, numri i vaksinave të zhvilluara nga Federata Ruse është rritur në tre. Qendra e Barnave ruse pret të prodhojë 10 milionë doza deri në Dhjetor 2021.
Vaksina e parë e zhvilluar në Rusi ishte Sputnik V, e quajtur kështu për nder të satelitit të parë Sovjetik të dërguar në hapësirë. Ajo u zbulua nga Qendra Kombëtare Ruse për Epidemiologji dhe Mikrobiologji, Gamaleya.
E dyta, EpiVaCorona, u zbulua në 13 Tetor 2020 nga Qendra e Biologjisë dhe e Biologjisë Vektor, e vendosur në Novosibirsk. EpiVaCorona është një vaksinë peptide e cila, ndryshe nga Sputnik V, nuk mbart agjentë biologjikë.
Sipas Qendrës Kërkimore Chumakov, CoviVac, vaksina e tretë e prodhuar, mund të transportohet në një temperaturë midis 2 dhe 3 gradë. Drejtori i Qendrës Chumakov, Aydar Ishmukhametov, i tha agjencisë ruse të lajmeve Interfax se pritet të kërkojë nga Organizata Botërore e Shëndetësisë (OBSH), në vjeshtën e vitit 2021, kualifikimin e hershëm të CoviVak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Arrestohet shtetasi në Paris, kërkoi të hedhë veten në erë në konsullatën iraniane
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët
-
Lihet në burg gjyshi dhe kunati i tij për zhdukjen e 3-vjeçarit në Durrës
-
Të martën hapet ekspozita me projektet më të mira në konkursin ndërkombëtar për çerdhe-kopshte
Lajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët