Këngëtari i njohur shqiptar, Irkenc Hyka, e ka nisur vitin me fokus kryesor në publikimin e këngëve të reja.
Projekti i tij më i ri mban emrin “Dehur” dhe është publikuar edhe me video klip të përshtatur tematikës së këngës e cila edhe kësaj radhe ishte baladë.
“Më mjafton veç një cigare edhe një kitarë, e të humbëm nëpër vargje veç për sytë e saj” janë disa vargje të shkëputura nga kënga e tij më e re.
Në klipin e këngës, artisti Hyka shihet në një bar kafiterie duke porositur gota me raki e duke kërkuar cigare, si rezultat i një “dashurie të dështuar”.
Irkenc Hyka, ka prodhuar hite të shumta prej që u shfaq në skenë.
Këngët si; “Lule pa erë”, “Tymi dashnisë” e “Këngë Shpirti” janë mirëpritur nga publiku, duke shënuar kështu shifra të larta klikimesh në YouTube.
Ndryshe, Irkenci është i njohur për bashkëpunime me këngëtarët më “IN” të estradës.
Në repertuarin e tij ai numëron disa bashkëpunime me këngëtarë të ndryshëm si me artisten vlonjate, Poni “Dashni e vjetër”, këngëtaret nga Kosova, Nora Istrefi “Jena nda” e Kaltrina Selimi “Kthema”, rep artistin Don Phenom “A je vetëm”, si dhe legjendën e muzikës popullore kosovare, Ramadan Krasniqin “Një lamtumirë”.
Kënga e fundit e publikuar nga Irkenc Hyka ishte “Më Fal” e cila aktualisht numëron mbi dy milionë klikime në YouTube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nëna e Beyonce thotë se “Zendaya ia kujton të bijën”
-
Taylor Swift, pos “The Tortured Poets Department”, publikon edhe një album surprizë
-
Quentin Tarantino heq dorë nga “The Movie Critic”, supozohej të ishte filmi i fundit i tij
-
Lana Del Rey kritikon ish-menaxherin e saj të turneut që u dorëhoq “pa arsye” pas 15 vjetësh, një muaj para performancës së saj në “Coachella”
