Rrezikohet liria e shtypit në Hungari dhe Poloni

Liria e shtypit ndodhet në të njëjtin stad me pjesën tjetër të sundimit të ligjit në Hungari dhe Poloni: një degradim që asgjë nuk duket se do të mund ta ndalojë. Pothuajse dy muaj pas marrëveshjes së arritur në Bruksel për vendosjen e një sistemi sanksionesh financiare në rast të shkeljeve të shtetit të së drejtës abuzimet vazhdojnë ende në Budapest dhe Varshavë.

Klubradio ndalon transmetimin

Hungaria mbetet një model i trishtë për këto çështje. Klubradio, radio kryesore private e pavarur, e njohur për lirinë e fjalës dhe kritikat e saj ndaj pushtetit, do të duhet të ndalojë transmetimin të dielën, më 14 shkurt gjatë mbrëmjes, në Budapest. Radio humbi betejën e saj ligjore më 9 shkurt. Pas më shumë se dhjetë vitesh pengesash administrative, stacionit i është hequr licenca nga Këshilli i Mediave. Këshilli i Mediave mbetet një organ në duart e personave që janë pranë kryeministrit nacionalist të Hungarisë, Viktor Orban-it.

Mungesa e pluralizmit të shtypit

Më 10 shkurt, një vizion tronditës u shfaq për lexuesit e mediave private polake. Shkrime të errëta synonin të tregonin “si do të duket një botë pa media të pavarura”. Rreth 50 media kanë dashur të protestojnë kundër një projektligji qeveritar që synon taksimin e të ardhurave nga reklamat, i cili do t’i privojë ata nga burimet thelbësore. Për shkak se Polonia dhe Hungaria po përdorin të njëjtën metodë për të dobësuar gradualisht pluralizmin e shtypit: tërheqjen e reklamave publike nga të gjitha mediat shqetësuese, sjelljen e transmetimeve publike në linjë, mbylljen ose blerjen e organeve të fundit të pavarura nga të afërmit.

Mosrespektimi i deantologjisë

Në të dy vendet, udhëheqësit duan të sigurojnë se politika e tyre synon të “ribalancojë” trajtimin e mediave. Sidoqoftë, mjaft të shikojmë në kanalin e tyre televiziv publik për të parë se rezultatet nuk kanë asnjë pikë lidhjeje me gazetarinë. Koha e përcaktuar për të folur për opozitën, mungesa totale e kritikës ndaj pushtetit, sulmet shpifëse kundër të gjithë “armiqve publikë” të tillë si Komisioni Evropian (KE) apo gjyqtarët e pavarur. Këto praktika nuk respektojnë parimet themelore etike dhe janë subjekt i një manipulimi të ashpër.

Mosrespektimi i Shtetit të së Drejtës

Kjo tërheqje ndaj pluralizmit ka ndodhur para syve të Bashkimi Evropian (BE) kryesisht të pafuqishëm. Fatkeqësisht, mekanizmi i sanksionimit i miratuar në dhjetor të vitit 2020 në Bruksel nuk e integroi në mënyrë të qartë pluralizmin e medias në përkufizimin e tij të shtetit të së drejtës. Në këtë situatë shqetësuese, Interneti mbetet për momentin akoma një hapësirë ​​lirie, e cila duhet të ruhet. Pas abonimeve me pagesë që i mbrojnë ata, gazetarët e pavarur hungarezë dhe polakë mund të shpresojnë të jenë në gjendje të vazhdojnë të punojnë atje. Por, për sa kohë?

Ky artikull është përshtatur nga e përditshmja Le Monde.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.