“Ne do të vazhdojmë punën drejt materializimit dhe finalizimit të procesit të Vettingut”.
Kështu është deklaruar Ministrja e Drejtësisë, Albulena Haxhiu, duke shtuar se Vettingu do të implementohet duke u bazuar në rekomandimet e Koncept Dokumentit si dhe në bashkëpunim me faktorin ndërkombëtar.
Haxhiu përmes një statusi në Facebook iu është përgjigjur kritikave të ish-ministrit të drejtësisë, Abelard Tahiri, në lidhje me procesin e Vettingut.
Pasi ky i fundit kishte deklaruar se reagimi i Presidentes së Kosovës, Vjosa Osmani ndaj raportit të progresit të Komisionit Evropian për çështjen e Vettingut është e turpshme dhe se qeveria aktuale e Kosovës nuk ka as ide e as formulë për këtë proces.
“Kur lexon atë që ka shkruar (Abelard Tahiri), është për keqardhje që i njëjti, ka qenë Ministër i Drejtësisë. Nëse lexohet Koncept-dokumenti për Vetingun (që dyshoj të jetë lexuar nga Tahiri), vërehet qartë rruga që do të ndiqet për zhvillimin e procesit të Vetingut, duke mundësuar një verifikim të tërësishëm të subjekteve të vetingut dhe duke ndërtuar mekanizma të cilët bëjnë verifikimin/vlerësimin e vazhdueshëm të tyre”, ka shkruar Haxhiu.
Ditë më parë ishte publikuar raporti vjetor i Komisionit Evropian për Kosovën, ku mes tjerash thuhej se Kosova është ende në fazat fillestare të luftës kundër korrupsionit, krimit të organizuar, dhe qëndron dobët sa i përket përgatitjes së një sistemi të Vettingut.
Mirëpo me këtë konstatim nuk ishte pajtuar Presidentja e Kosovës, Vjosa Osmani, e cila kishte thënë se si Presidente inkurajon institucionet që të vazhdojnë këtë proces.
“Komisioni Evropian konstaton se rivlerësimi i menjëherë i gjyqtarëve paraqet një burim shqetësimi serioz. Si presidente nuk pajtohem me këtë konstatim. Mungesa e vettingut do ishte shqetësim serioz e jo përmbushja e këtij procesi.”, është shprehur ajo.
“Komisioni Evropian konsideron se vettingu do duhej të ishte masë e fundit dhe e jashtëzakonshme pasi të jenë shteruar të gjithë mekanizmat, edhe ky konstatim është i gabuar sepse mekanizmat ekzistues janë këta për vite të tërë dhe kanë rezultuar joefektiv”, shtoi presidentja Osmani.
Koncept Dokumenti për Zhvillimin e Procesit të Vetting-ut në Sistemin e Drejtësisë
Gjyqtarët dhe prokurorët e Kosovës pritet t’i nënshtrohen procesit të Vetting-ut.
Përmes tij, brenda pesë viteve synohet të bëhet verifikimi i dijes së tyre, i integritetit etik dhe i pasurisë.
Sipas Koncept Dokumentit për Zhvillimin e Procesit të Vettingut në Sistemin e Drejtësisë, i cili është votuar të mërkurën nga Qeveria e Kosovës synohet të forcohet sundimi i ligjit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Coachella 2024: Cila është e ardhmja për festivalin amerikan?
-
Lajçak: S’ka përparim në normalizimin e marrëdhënieve nëse s’ka progres në themelimin e Asociacionit
-
Inflacioni bazë në ulje, kap minimumin e ri në dy vitet e fundit
-
Iraku thotë se nuk ka pasur dronë apo avionë në fluturim, kur baza ushtarake është goditur