Presidenti amerikan Donald Trump, gjatë fjalës së tij në Forumin Ekonomik Botëror në Davos, u ndal te çmimet ndërkombëtare të naftës, duke i lidhur ato drejtpërdrejt me pushtimin e Ukrainës nga Rusia.

Trump tha se do t’i kërkojë “Arabisë Saudite dhe OPEC-ut të ulin koston e naftës, gjë që, sinqerisht, jam i befasuar që nuk e bënë para zgjedhjeve”.

“Kjo nuk tregoi shumë përzemërsi nga ata që nuk e bënë këtë. Më befasoi paksa”, shtoi ai.

“Nëse çmimi do të ulej, lufta Rusi-Ukrainë do të përfundonte menjëherë”, garantoi shefi i Shtëpisë së Bardhë. “Tani për tani, çmimi është mjaft i lartë që ajo luftë të vazhdojë. Duhet të ulni çmimin e naftës. Ju mund t’i jepni fund asaj lufte”.

Trump vlerësoi gjithashtu raportet se Arabia Saudite do të investonte 600 miliardë dollarë në SHBA.

Ai tha se do t’i kërkojë mbretërisë ta rrumbullaksojë atë në 1 trilion dollarë.

Davos: Trump i bën thirrje OPEC-ut të ulë çmimet e naftës, duke thënë se kjo do t’i japë fund luftës së Rusisë në Ukrainë