Të paktën nëntë iPhone të punonjësve të Departamentit Amerikan të Shtetit janë hakeruar nga një sulmues i paidentifikuar.
Burimet kryesore të mediave amerikane raportojnë se ndërhyrja është realizuar përmes spyware-t të kompanisë izraelite “NSO Group”.
Më herët, një listë e numrave me objektiva të mundshëm, duke përfshirë disa zyrtarë amerikanë, u shfaq në raportimin për kompaninë izraelite.
Agjencia e lajmeve “Reuters” nuk mundi të përcaktonte se kush i nisi sulmet e fundit kibernetike.
NSO Group tha në një deklaratë të enjten se nuk kishte asnjë indikacion se mjetet e tyre ishin përdorur.
Rrjeti amerikan CNBC News vëren se kompania anuloi adresat përkatëse më pas.
NSO ka thënë prej kohësh se i shet produktet e saj vetëm klientëve ligjzbatues dhe inteligjencës qeveritare.
Shtetet e Bashkuara e vendosën kompaninë në listën e zezë për dëmtim “të sigurisë dhe interesave kombëtare”.
Departamenti Amerikan i Tregtisë deklaronte gjatë muajit nëntor se firma izraelite cenonte sigurinë kombëtare të SHBA-ve.
Mjetet e spyware, sipas deklaratës së Departamentit, u përdorën për të shënjestruar zyrtarë, gazetarë, biznesmenë, aktivistë, akademikë dhe punonjës të ambasadave.
Grupi NSO është firma më e madhe e spiunazhit kibernetik në Izrael, me vlerë mbi 1 miliard dollarë.
Kompania është e specializuar në hakerimin e telefonave celularë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova