Coursera, platforma e mësimit në internet, ka zbuluar një rritje të të ardhurave nga një rritje e kërkesës në treg për kategorinë e biznesit e shkaktuar nga pandemia e COVID-19.
Agjensia e lajmeve, Reuters, shkruan se kompania ka bërë të ditur se të ardhurat u rritën me 59% duke shkuar në 293.5 milionë dollarë për vitin e kaluar 2020 të mbyllur më datë 31 dhjetor.
Platforma e mësimit online, Coursera, mundëson kurse mësimi në mekanik, në informatikë dhe në mësimin e gjuhëve duke u përdorur nga më shumë se 3 mijë e 700 kolegje dhe universitete.
Në përgjigje të kushteve të reja të pandemisë, kompania shtoi opsionin “Coursera for Campus” për të ndihmuar institucionet arsimore të ofrojnë kurse për studentët, të cilëve u duhet të qëndrojnë në shtëpi.
Lidhur me kompaninë, Reuters tregon se Coursera është themeluar në vitin 2012. Investitorët e saj përfshijnë firmën e kapitalit sipërmarrës, GSV Capital dhe Kleiner Perkins.
Në korrik, ajo mundi të grumbullojë 130 milionë dollarë financim duke e çuar bilancin e parave të kompanisë në më shumë se 300 milionë dollarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
