Real Madrid-i ka filluar punën për të zgjedhur trajnerin i cili do të zëvendësojë të sapo larguarin Zinedine Zidane.
Normalisht se emrat janë të shumtë, dhe shumë emra të mëdhenjë do të dëshironin t’i bashkoheshin Real Madrid-it.
Por, disa nga mediat më të besueshme spanjolle, por edhe më gjërë, tashmë thonë se dy emra po kryesojnë listën për të qenë trajner të Real Madrid-it.
Ata janë: Mauricio Pochettino dhe Antonio Conte.
I pari, çuditërisht ka dyshime mbi të ardhmen e tij te Paris Saint-Germain.
Jose Felix Diaz, gazetar i Marca-s, thotë që Pochettino mund të largohet nga PSG në orët e ardhshme.
Ëndrra e tij ka qenë gjithmonë Real Madrid-i, dhe tani që vendi është i lirë, ai nuk dëshiron ta humb përsëri mundësinë.
Nëse Pochettino vendos të largohet nga parisienët, kjo do të bëhet zyrtare shumë shpejt, sepse Real Madrid-i nuk ka shumë kohë të pres.
Opsioni tjetër është Conte, i cili me vetdëshirë u tërhoq nga pozita si trajner i kampionëve të Serie A-së, Inter-it.
Conte nuk dëshiron të qëndrojë i pa punë, dhe stoli i Real Madrid-it është një mundësi e madhe për të.
51-vjeçari do të bashkohej me madrilenët vetëm me disa kushte, dhe një nga të është që të ketë zë mbi vendimet e transferimeve.
Nëse Conte bashkohet me Madrid-in, kjo do të thoshte që disa nga lojtarët e Inter-it po ashtu mund të bashkohen me Los Blancos.
Ish-madrileni Hakimi, dhe Lautaro Martinez, janë dy nga emrat e mundshëm.
Orët ose ditët në vazhdim janë vendimtare për të ardhmen e Real Madrid-it, se kush do të jetë në krye të klubit madrilen, shumë shpejt do të kuptohet…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryemadhi mesazh Metës para mbledhjes: Çdo përjashtim është mbyllje e partisë, hiq dorë nga përjashtimet
-
Çmimi i naftës rritet pas goditjes raketore të Izraelit ndaj Iranit
-
Kalaja e Kaçanikut – Përplasja nëpër gjykata e vë në rrezik ekzistencën e një prej objekteve më të rëndësishme të Shekullit 16