Kompania amerikane e pijeve, Coca-Cola, në kuadër të përpjekjeve afatgjata për të eliminuar tërësisht plastikën nga paketimet e saj, do të testojë një shishe prej letre.
Agjensia e lajmeve, BBC, bën me dije se prototipi i shishes është ndërtuar nga një kompani daneze dhe është i përbërë nga materiali i një letre të fortë e cila përfshin edhe një shtresë së hollë plastike.
Ndërkohë, qëllimi i kompanisë është krijimi i një shisheje 100% të riciklueshme e cila nuk do të ketë përmbajtje plastike dhe që do të mundet të parandalojë daljen e gazit të pijeve të gazuara jashtë shishes.
BBC shkruan se pengesa kryesore qëndron në sigurinë që asnjë fibër të mos depërtojë në lëng pasi do të përbënte rrezik për ndryshimin e shijes së pijes dhe sigurisë së konsumatorit.
Kompania që fshihet pas shishes prej letre
Paper Bottle është firma daneze e cila po merret me zhvillimin e shishes prej letre për kompaninë Coca-Cola.
Sipas BBC, sfida kryesore e saj është krijimi i një strukture e cila të përballojë forcat e ushtruara nga pijet me gaz.
Nga ana tjetër, shishja prej letre duhet të ketë një formë të caktuar dhe të lejojë shtypjen me bojë të etiketës.
Firma është e gatshme që të organizojë një provë këtë verë në Hungari për pijen e frutave të quajtur Adez të kompanisë Coca-Cola.
Në mungesë të plastikës
Sipas menaxherit tregtar të firmës, Michael Michelsen, shishja formohet nga një copë e vetme e përbërë nga një material me bazë fibre të letrës duke siguruar që të formohet një objekt i vetëm.
“Me një kombinim të zgjuar të dizajnit të produktit dhe përzierjes së fortë të fibrave arrihet që shishja mos të thyhet nga presioni”, ka sqaruar menaxheri.
Meqënëse krijimi i shishes prej letre është prova e parë në jetën reale, po tregohet kujdes i veçantë te eliminimi i kontaktit mes lëngut dhe letrës.
BBC shktuan se sfida e CocaCola-s për të shmangur plotësisht plastikën pritet të mundësohet përmes vendosjes së një shtrese me bazë bimore në brendësi të shishes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Samsung do të prodhojë gjeneratën e fundit të gjysmëpërçuesve në SHBA përpara TSMC-së
-
Sulmet kibernetike janë një kërcënim për stabilitetin financiar global, paralajmëron FMN
-
Grupet tajvaneze shqyrtojnë ngritjen e selive jashtë shtetit në rast sulmi
-
Trump Media u shpëtua në vitin 2022 nga ruso-amerikani nën hetim penal
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë