Edhe pse Kryeministri i Kosovës, Albin Kurti e ka konfirmuar pjesëmarrjen në Forumin e Prespës që mbahet nga data 16 deri më 18 qershor në Ohër të Maqedonisë së Veriut, ai megjithatë nuk do të marrë pjesë në të për një arsye të cilën e publikoi këtë të enjten pasdite.
Me arsyetimin se do t’i presë në takim veteranët e Ushtrisë Çlirimtare të Kosovës për të dëgjuar kërkesat e tyre, pas protestës që u mbajt gjatë kësaj dite e po vazhdon akoma, para Kuvendit të Kosovës.
Por, çka është Forumi i Prespës?
Forumi i Prespës është një platformë e krijuar nga Qeveria e Republikës së Maqedonisë së Veriut e cila ju mundëson vendeve, liderëve, organizatave dhe qytetarëve të ndërtojnë marrëdhënie me të mira me njëri-tjetrin bazuar në partneritet dhe fqinjësi të mirë.
Ky forum shihet si një vend për shkëmbimin e pikëpamjeve dhe ideve për zgjidhjet e mundshme të çështjeve të pazgjidhura, duke ndihmuar kështu qeveritë, institucionet dhe shoqërinë civile, të zbatojnë marrëveshjet e nënshkruara si dhe të ndjekin rrugën e përbashkët evropiane.
Përveç liderëve të Ballkanit, në këtë forum pritet të marrë pjesë edhe presidenti i Këshillit Evropian, Charles Michel, Ministri i Jashtëm i Austrisë, Alexander Schallenberg si dhe i dërguari special i BE-së për dialogun Kosovë-Serbi, Miroslav Lajčák.
Edicioni i dytë i Dialogut të Forumit të Prespës (PFD) 2022 do të mbulojë çështjet e sigurisë, si dhe çështjet politike dhe ekonomike me të cilat ballafaqohet Evropa dhe Ballkani Perëndimor.
“Me ftesë të Presidentit të Maqedonisë së Veriut, Stevo Pendarovski, Presidentja e Republikës së Kosovës, Vjosa Osmani-Sadriu, ka udhëtuar për në Maqedoninë e Veriut për të marrë pjesë në Forumin e Prespës për Dialog me temë: Formësimi i të ardhmes së Ballkanit Perëndimor në arkitekturën bashkëkohore evropiane të sigurisë, i cili i zhvillon punimet nga data 16 deri 18 qershor në Ohër”, njofton zyra për medie e presidencës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Murati me shifra: Qarkullimi i bizneseve në Kosovë ka shënuar rritje
-
Përplasje në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Trafikonin kanabis nga SHBA-të në Shqipëri me postë, 2 në pranga
-
Shënjestrimi i inflacionit dhe kursi i lirë i këmbimit po funksionojnë, thotë Sejko
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Përplasje në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un