Komuna e Prishtinës, Prizrenit, Gjakovës, Mitrovicës dhe ajo e Podujevës kanë shpenzuar mbi 100 mijë euro për dekorimin e qyteteve për festat e fundvitit.
Më së shumti ka harxhuar kryeqyteti.
Komuna që tani drejtohet nga Përparim Rama, i ka ndarë 50 mijë euro për dekorimin e Prishtinës.
Këtë e ka konfirmuar për Albanian Post, ish-drejtori i kulturës, Adrian Berisha, përmes një përgjigje me shkrim.
20 mijë euro më pak se Prishtina ka shpenzuar komuna e Gjakovës. Ajo ka nda vetëm 30 mijë euro për dekorim të shesheve të saj.
“Janë shpenzuar rreth 30 mijë euro për dekorimin e Gjakovës”, tha zëdhënësja e komunës Donika Grezda për Albanin Post.
Ndërsa, komuna e Ferizajt shpenzoi rreth 12 mijë euro për ta zbukuruar qytetin.
“Dekorimi ka kushtuar 12 mijë euro, është pritur jashtëzakonisht mirë nga qytetarët dhe pjesa më e madhe e materialeve janë nga vitet e kaluara me disa ndryshime në figura”, potencoi Arben Halili, drejtor i Drejtorisë së Shërbimeve Publike dhe Emergjencë.
Në anën tjetër, zyrtarja e prokurimit në Prizren pohoi për AP se “është shpallë dy herë për 20 mijë euro nuk ka aplikuar askush, herën e tretë e kemi bërë për 15 mijë euro, ndërsa herën e katërt është bërë shumë vonë e kemi bërë me 10 mijë euro”.
Ndërsa, komuna e Podujevës për dekorim ka ndarë më pak se 10 mijë euro.
“Parashikimi i vlerës për projektin e dekorimit të qytetit ka qenë nëntë mijë e 950 euro”, theksoi zëdhënësi i kësaj komune, Flakrim Zhitija.
Ndryshe nga komunat e tjera, Mitrovica kësaj here nuk futi nga buxheti as një cent për dekorim, shkak i borxheve nga qeverisja e kaluar.
Kështu të paktën pretendon shefja e informimit, Blerina Kastrati-Idrizi në një prononcim për Albanian Post.
“Komuna e Mitrovicës në buxhetin e saj nuk ka të planifikuar dekorimin e qytetit për festa të fund vitit, dhe për shkak të borxheve të akumuluara nga qeverisja e kaluar si dhe mundësive financiare të kufizuara, dekorimi i qytetit nga buxheti komunal nuk mund të realizohet”, deklaroi Kastrati-Idrizi.
Ajo ka bërë të ditur se për dekorimin e qytetit kanë kontribuar vetëm bizneset lokale, por që kjo nuk është financuar nga ana e komunës, derisa nuk dha një çmim të përgjithshëm për koston e zbukurimit të qytetit.
“Por, dekorimi i qytetit është bërë falë dëshirës dhe vullnetit të treguar të disa bizneseve”.
Ndërsa, iniciativën kryesore për rregullimin e qytetit e kishte marrë vet kryetari i kësaj komune.
“Dekorimi në nivel komune ka qene kërkesë prej kryetarit, kushtimisht me u zhvillu ky aktivitet, qysh në shtator e kemi bo shpalljen”.
Ndryshe, Albanian Post ka tentuar të marrë përgjigje edhe nga komunat tjera sa i përket shpenzimeve për dekorimin e qyteteve, por që zyrtarët për media të këtyre qyteteve nuk kanë qenë të qasshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë