Klubet e futbollit sot bëjnë gjithçka për të mbajtur yjet ne ekipet e tyre. Ata u japin kontrata të mëdha me klauzola të larta largimi.
Por kush do të ishte lojtari më i kushtueshëm?
10-Vinicius Jr, Real Madrid, 598 milionë paund
Anësori brazilian u bashkua me Real Madrid për 40 milionë paund kur ishte 18-vjeç. Tashmë 21-vjeç ai është një nga yjet më premtues në futboll.
Kontrata e tij u zgjat deri në verën e vitit 2026. Ai fiton rreth 8.6 milionë paund në sezon. Thashethemet më të fundit lajmërojnë se atij i është ofruar kontrata e re me kaluzolë lirimi 1 miliard paund.
9-Brahim Diaz, Real Madrid, 641 milionë paund
Mesfushori spanjoll e nisi karrierën te Malaga. Më pas kaloi te Manchester City dhe Real Madrid.
Madrilenët e blenë 16 milionë paund nga City. Dy sezonet e fundit ai ka qenë në huazim te Milan-i.
8-Luka Modric, Real Madrid, 641 milionë paund
Ish-fituesi i Topit të Artë, në moshën 36-vjeçare ende luan në nivel të larta. Por askush nuk do paguante atë shumë për të marrë shërbimet e tij, pavarësisht cilësisë.
Legjenda kroate ka fituar pesë herë Champions League me fanellën e Real Madrid.
7-Federico Valverde, Real Madrid, 641 milionë paund
Mesfushori uruguajan është një nga lojtarët kyç të formacionit të Carlo Ancelotti-t. Ai zgjati kontratën në 2021 deri në verën e 2027.
6-Antoine Griezmann, Barcelona, 685 milionë paund
E ardhmja e sulmuesit francez është në ajër, ashtu si dhe tarifa që mund të paguhet për të.
Barcelona e huazoi te Atletico Madrid për dy sezone. Por pas përfundimit të sezonit të fundit, madrilenët duket se do e kthejnë.
5-David Alaba, Real Madrid, 726 milionë paund
Kampionët spanjoll e morën austrikaun në 2021, pasi ai përfundoi kontratën me Bayern Munich.
30-vjeçari nënshkroi kontratë pesëvjeçare me pagë rreth 17 milionë paund në sezon.
4-Ronald Araujo, Barcelona, 846 milionë paund
E ardhmja e mbrojtësit uruguajan ishte në dyshim në verën e kaluar. Megjithatë ai përfundoi duke nënshkruar kontratën e re me katalanasit.
Liverpool, Manchester City dhe Manchester United ishin tre skuadrat e interesuara për të. Por, me klauzolën e re askush nuk guxon t’i afrohet.
3-Karim Benzema, Real Madrid, 846 milionë paund
Ndoshta lojtari më i mirë në botë për momentin, Benzema nënshkroi një marrëveshje të re me Real Madrid-in në vitin 2021 që do ta shohë atë të qëndrojë në “Santiago Bernabeu” deri në vitin 2023, kur do të jetë 35-vjeç.
Ai realizoi 44 gola sezonin e fundit, duke qenë lojtar kyç në fitimin e La Liga-s dhe Champions League.
2-Pedri, Barcelona, 846 milionë paund
Një nga yjet më të mirë të momentit që ka në përberjë skuadra e Barcelona-s. Pedri nënshkroi një kontratë të re vitin e kaluar që do ta mbajë atë në klub deri në vitin 2026.
1-Ansu Fati, Barcelona, 846 milionë paund
Në vitin 2021, xhevahiri i akademisë “La Masia” të Barcelona-s, ra dakord për një kontratë gjashtëvjeçare.
Ashtu si dhe Pedri, sulmuesi u bë lojtari me klauzolën më të lartë në futboll.
Megjithatë, ai ka luftuar me dëmtimet që atëherë, pasi trashëgoi fanellën numër “10” të Lionel Messi-t.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Italia, BE dhe SHBA dënojnë dhunën në protestën para Bashkisë së Tiranës
-
Çmimi i naftës rritet pas goditjes raketore të Izraelit ndaj Iranit
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët