Ndeshja e parë e së shtunës në Premier League mes Leicester City dhe Chelsea përfundoi me fitoren e këtyre të fundit me rezultat 0:3.
Chelsea ishte dominante gjatë gjithë kohës dhe kishte mundësi të mira që nuk i shfrytëzonin.
Megjithatë, ndeshja filloi në mënyrë perfekte për “blutë e Londrës”, pasi ata shënuan në minutën e 14-të me anë të Antonio Rudiger.
Vetëm 14 minuta pas golit të parë, Ngolo Kante dyfishoi epërsinë duke surprizuar portierin Casper Schmeichel me një goditje të fuqishme me të majtën.
Në pjesën e dytë u inkuadruan Hakim Ziyech dhe Christian Pulisic të cilët krijuan raste të shumta shënimi.
Njëri nga golat e shënuar nga Pulisic, u anulua pasi ishte në pozicion jashtë loje.
Megjithatë, Pulisic shënoi në minutën e 71-të, pasi u asistua nga Ziyech.
Momentalisht, Chelsea radhiten në pozitën e parë me 29 pikë, ndërsa Leicester me këtë humbje janë në vendin e 12-të me 15 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
As në takimin e pestë s’ka marrëveshje për dinarin – Lajçak do të dalë me një propozim të ri
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
