Gjatë viteve 1929-1930 Carleton Coon antropologu amerikan nga Wakefield, Massachusetts ndodhej në Shqipëri ku kreu një studim antropometrik të mbi 1 mijë e 67 shqiptarë të dhjetë zonave të Veriut, duke iu matur madhësitë dhe format e trupave të tyre.
Ky studim u përfundua në vitet 1946-1947 me ndihmën e komunitetit shqiptar të Bostonit dhe rezultoi në botimin e librit të tij: “The Mountains of Giants: a Racial and Cultural Study of the North Albanian Mountain Tribes (Malësia e viganëve: studim racor dhe kulturor i fiseve të malësisë së Shqipërisë së Veriut)” Kembrixh 1950.
Jehona shkencore e punës së Coon-it ishte e kufizuar duke qenë se, pas Luftës së Dytë Botërore, studime të tilla të antropologjisë fizike dhe të tipareve racore u bënë tabu apo iu kish humbur interesi. Interesante megjithatë mbesin fotografitë si dëshmi e kohës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
