Ish-Presidenti i Shteteve të Bashkuara (SHBA), Donald Trump ka punësuar avokatin Butch Bowers, për ta përfaqësuar në gjyqin e senatit për shkarkimin e tij. Ky njoftim vjen nga një burim familjar i Trump-it.
Avokati i Carolina-s së jugut nuk iu përgjigj kërkesave për komente. Ai është relativisht i panjohur në skenën kombëtare. Bowers ka përfaqësuar ish-guvernatorët republikanë në Carolina-n e Jugut. Ai ka shërbyer në Departamentin e Drejtësisë të SHBA-së, për ish-presidentin republikan George W Bush, sipas faqes së tij në internet.
Sipas një burimi, senatori republikan i Carolina-s së jugut, Lindsey Graham e rekomandoi atë. Graham është një aleat i Trump-it.
Në vitin 2012, Bowers ka përfaqësuar guvernatorin e atëhershëm, Nikki Haley, në një seancë. Haley akuzohej se se merrej me lobim të paligjshëm, ndërkohë që ishte përfaqësuese e një shteti. Ajo u pastrua nga akuzat.
Në vitin 2009, Bowers ka përfaqësuar guvernatorin e atëhershëm, Mark Sanford, në një seancë etike. Sanford akuzohej se kishte përdorur një avion shtetëror për një udhëtim sekret pesë-ditor në Argjentinë. Dyshohej se ai kishte udhëtuar për të takuar një grua, me të cilën kishte një lidhje jashtëmartesore. Sanford ra dakord të paguante 74,000 dollarë për të zgjidhur akuzat. Udhëtimi i tij dhe shpenzimet e fushatës shkelnin ligjet e etikës shtetërore, por Sanford vazhdoi të mohonte akuzat.
Procesi për shkarkimin e Trump
Ka gjasa që gjyqi i Trump-it të fillojë në mesin e muajit shkurt, në mënyrë që Bowers të ketë kohë të përgatitet tha senatori republikan Mike Braun, për reporterët më 21 janar.
Trump-i po përballet me një shkarkim të dytë historik. Demokratët në Dhomën e Përfaqësuesve e akuzuan për “nxitje të kryengritjes” dhe të trazirave në Capitol.
Duket se ish-presidenti Trump ka pasur të vështirë të këshillohet në lidhje me shkarkimin e tij nga Senati.
Gjatë këtij muaji disa burime thanë se Rudy Giuliani, ishte gati të ndihmonte në mbrojtjen e presidentit.
Së fundmi, Giuliani tha se nuk do të përfaqësonte ish-presidenin. Kujtojmë se Giuliani drejtoi ekipin ligjor që u përpoq pa sukses, të përmbyste humbjen e Trump-it në zgjedhje. Përjekjet e tij kaotike për të përmbysur rezultatin e zgjedhjeve dëmtouan reputacionin e ish-kryetarit të bashkisë së New York-ut./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Wisner falënderon Shqipërinë për përpjekjet si aleate e NATO-s
-
Gjykata e Posaçme dënon me burgim të përjetshëm Laert Haxhiun
-
Përfundon dëshmia e Ramiz Qeriqit në Speciale, javën e ardhshme një tjetër dëshmitar
-
Taravari pas votimit: Pres proces demokratik dhe fer, kushdo që merr më shumë përkrahje do ta uroj