Shawn kurrë nuk ka dashur fëmijë.
32-vjeëari, IT dhe peshëngritës amator që jeton në Florida, kishte menduar prej kohësh një vazektomi.
Kur ai u takua me të fejuarën e tij dhe mësoi se edhe ajo nuk dëshironte fëmijë ngjashëm si ai, çështja u zgjidh.
Ai ishte “90 për qind i sigurt”.
Por përmbysja nga Gjykata Supreme e vendimit historik “Roe kundër Wade” dhe debatet mbarëkombëtare lidhur me aksesin ndaj abortit, ishin shtysa e fundit që i nevojitej.
Shawn e rezervoi operacionin me një urolog lokal në Lutz, Florida, i cili e ka kryer procedurën dhjetëra mijëra herë dhe është i njohur në rajon si “mbreti i vazektomisë”.
Nga konsultimi deri te vetë operacioni, sprova ishte krejtësisht pa dhimbje për të.
Ai është një nga shumë burra amerikanë që kanë marrë kontrollin e shëndetit të tyre riprodhues, pasi miliona gra amerikane janë hequr nga kjo e drejtë.
Që kur projektvendimi për rrëzimin e vendimit u zbulua në maj, të dhënat kanë treguar një rritje të madhe në numrin e kërkimeve të përditshme në internet në lidhje me vazektomitë.
“Ka një rritje përfundimtare te meshkujt që eksplorojnë vazektomitë”, ka treguar doktor Alex Shteynshlyuger, një urolog i New York-ut.
“Vendimi i Gjykatës Supreme ka nxitur shumë biseda për kontracepsionin në përgjithësi, si dhe për rritjen e ndërgjegjësimit për vazektominë si një metodë efektive, me kosto të ulët, të sigurt dhe të përhershme të kontracepsionit që u jep meshkujve kontrollin mbi riprodhimin e tyre”, ka shtuar ai.
Sipas Shteynshlyuger, në javët pas vendimit historik, zyra e tij në qendër të Manhatan-it ka parë një rritje të dukshme të pyetjeve të lidhura me vazektominë.
Në një javë normale, ai do të kishte mesatarisht rreth 15 telefonata konsultimi. Në javën e fundit të qershorit, pas vendimit të 24 qershorit, ai ka marrë 72 kërkesa.
Barbara Nielsen, një zëdhënëse me një institut urologjik në Idaho, ka konfirmuar se zyrat e saj kanë parë 60 për qind më shumë konsultime vazektomie në muajin e kaluar.
Pasi perceptoheshin si drastike dhe të pakthyeshme, operacionet e vazektomisë tani janë të thjeshta, rutinë dhe relativisht pa dhimbje.
Sakaq, urologët flasin për procedura “pa gjilpërë, pa bisturi”.
Arsyetimi që i jep Shawn zgjedhjes së tij është shumë praktik.
Ai ishte i shqetësuar se ndalimet më të gjera të kontracepsionit mund të pasonin pas rrëzimit të vendimit për ndalimin e abortit.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Serbia ishte e vendosur për të shfarosur këdo që ishte shqiptar
-
Përmbyllen punimet për projektligjin e KPK-së, Haxhiu: Synojmë përbërje të balancuar mes prokurorëve
-
Italia, BE dhe SHBA dënojnë dhunën në protestën para Bashkisë së Tiranës
-
SHBA bën thirrje për de-përshkallëzim pasi zyrtarët thonë se raketa izraelite godet Iranin
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët