Zyra e Prokurorit të Përgjithshëm të Bullgarisë thotë se ka identifikuar një person specifik që kreu një sulm hakerimi në faqet e internetit të qeverisë bullgare.
Lajmi u bë i ditur nga agjencia vendase “BNR”, duke cituar zëvendës prokurorin e përgjithshëm bullgar, Borislav Sarafov.
Sipas tij, i dyshuari aktualisht ndodhet në territorin e Federatës Ruse.
“Një person specifik me një adresë specifike dhe kjo adresë është në territorin e Federatës Ruse”, theksoi Sarafov.
Ai shtoi se kërkesat për ndihmë juridike në lidhje me hetimin janë duke u shqyrtuar.
Në mëngjesin e 15 tetorit, persona të panjohur sulmuan faqet e një sërë organizatash shtetërore, si dhe faqet e aeroporteve, masmediave dhe ofruesve të shërbimeve të telekomunikacionit në Bullgari.
Sipas prokurorisë, sulmi kibernetik është kryer nga qyteti rus i Magnitogorsk-ut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com