Bugajski: Fqinjët e Rusisë duhet ta njohin Kosovën kështu ata pavarësohen nga ambicia perandorake e Moskës
Për anëtarin e lartë në Qendrën për Analiza të Politikave Evropiane, Janusz Bugajski, të gjitha shtetet të cilët janë fqinjë me Rusinë duhet ta njohin pavarësinë e Kosovës.
Sipas tij një ndryshimi i tillë i pozicionit ndaj shtetit të Kosovës do të nënvizonte pavarësinë e tyre nga një fqinj e cila ka ambicie perandorake.
Një shtjellim i tillë i Bugajskit ka ardhur pasi deputeti ukrainas, Oleksiy Goncharenko, të shtunën ka bërë të ditur se ka dorëzuar një draft-rezolutë në Parlamentin e Ukrainës, ku bëhet thirrje që Ukraina ta njohë pavarësinë e Kosovës.
Sipas Bugajskit shteti serb gjatë luftës së fundit në Kosovë u përpoq të kryente spastrim etnik ndaj shqiptarëve të Kosovës ashtu siç shteti rus bënë me ukrainasit në territoret e pushtuara.
Për Bugajskin një gjë është e qartë, se të ashtuquajturat republika të Donetskut dhe Luhanskut nuk krahasohen në asnjë mënyrë me Kosovën.
“Separatistët në Donbas janë kryesisht përfaqësues të Moskës. Kosova është krijuar mbi luftën kundër terrorit shtetëror serb, e ndërsa Donbasi është krijuar përmes terrorizmit shtetëror. Pavarësia nga imperializmi është një e drejtë themelore e njeriut”, ka shkruar Bugajski në rrjetin e tij social në Twitter.
All of Russia's neighbors must recognize Kosova – it underscores their own independence from an imperial neighbor. https://t.co/WmqRgLKMcm
— Janusz Bugajski (@JBugajskiUSA) August 6, 2022
Ndryshe deputeti ukrainas, Oleksiy Goncharenko, përmes një postimi në rrjetin e tij social në Twitter, ka bërë të ditur se ka dorëzuar një draft-rezolutë në Parlamentin e Ukrainës, ku bëhet thirrje që Ukraina ta njohë pavarësinë e Kosovës.
Deputeti ukrainas, pasi ka bërë publike draft-rezolutën në fjalë ka deklaruar se shpreson se Ukraina ta njohë pavarësinë e Kosovës sa më parë të jetë e mundur.
“Dorëzova në Parlamentin e Ukrainës një rezolutë për njohjen e pavarësisë së Kosovës. Ukraina ndan vlerat perëndimore dhe do të përkrahë demokracinë kudo në botë. Shpresoj që Ukraina do ta njohë pavarësinë e Kosovës sa më parë të jetë e mundur”, ka shkruar ai në Twitter.
I submitted to the Ukrainian Parliament a bill recognizing the independence of #Kosovo. Ukraine shares Western values and will support democracy anywhere in the world. I hope Ukraine will recognize #Kosovo's independence ASAP. pic.twitter.com/j9UpJL7OfY
— Oleksiy Goncharenko (@GoncharenkoUa) August 6, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com