Briken Caljaj ka garuar në kategorinë deri në 73kg në peshëngritje, por sportisti shqiptar nuk arriti të sigurojë medalje.
Ai kishte performancën e tij më të mirë, dhe ishte shumë afër medaljes së bronztë, të cilën ia pamundësoi indoneziani nga Grupi B, Rahmat Abdullah.
Brikeni arriti rekordin e tij personal, duke ngritur 190kg, ndërsa në total ai kishte 341kg, një më pak se medalja e bronztë.
Medaljen e artë në kategorinë deri në 73kg e ka fituar kampioni në fuqi, kinezi SHI Zhiyong i cili ka arritur rekord botëror dhe olimpik, duke ngritur 198kg.
Ndërsa medaljen e argjendtë, e fitoi sportisti nga Venezuela, Mayora Pernia Julio Ruben pasi ngriti 346kg në total.
Briken Caljaj ishte sportisti më i suksesshëm në anët e Shqipërisë deri më tani, ndërsa më 30 korrik, medaljen do ta synojë sportistja shqiptare, Manuela Delijaj në qitje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
