Brenda pak ditësh do të bëhen me dije çmimet e reja të referencës.

Kështu ka bërë me dije Kryeministri i Shqipërisë Edi Rama.

“Punë ditësh ose javësh, do dalin çmimet e reja të referencës. Do kenë dhe një element tjetër të ri, që taksa për shtëpinë e dytë do jetë më e madhe sesa për shtëpinë e parë”.

Sipas tij, bashkitë, sidomos ato të bregdetit, do ketë një të ardhur të shtuar nga ky proces pasi shumë njerëz në bregdet kanë shtëpitë e dyta.

“Por, nga ana tjetër, duke marrë parasysh që çmimet e referencës rritën në mënyrë të konsiderueshme dhe e bëjnë jo të vogël taksën e pasurisë, që do të thotë se kush do ta menaxhojë taksën e pasurisë mirë do ketë të ardhura shumë më tepër, sepse ajo është baza kryesore në të gjithë bashkitë e botës”.

Rama ka shtuar se një gjë duhet patur parasysh se në disa bashki ka taksa lokale eksesive, gjë që nuk bën sens.

“Ne e kemi bërë zero taksën e biznesit të vogël, por në disa bashki taksa e tavolinës apo të tjera…ka edhe raste ekstravagante fare i këtyre që merren me miniera apo investime në energji iu vënë taksa lokale të çuditshme por edhe këtu duhet patur parasysh që të ketë një lloj sensi dhe kuptimi dhe për këtë besoj se ministria e Financave do të na japë një udhërrëfyes”, ka thënë ai.

Brenda pak ditësh dalin çmimet e reja të referencës, njofton Rama