U zhvillua gara e dytë në formatin sprint në këtë sezonë të Formula 1.
Në Monza, që nga dita e premte, dominues total i fundjavës ka qenë piloti i Mercedes, Valtteri Bottas.
Finlandezi doli i pari të premten në provat zyrtare, fitoi garën sprint duke marrë tre pikë, por sot ai do të niset nga vendi i fundit.
Kjo pasi finlandezi ka ndërruar motorin për herë të katërt këtë sezon, që automatikisht do të thotë penalizim në pozitën e startit.
Në këtë mënyrë, i pari do të niset edhe i pari i kampionatit, holandezi Max Verstappen.
Max prapa tij do të ketë ish-shokun e skuadrës, Daniel Ricciardo, me McLaren.
Një McLaren do të jetë edhe në vendin e tretë, bëhet fjalë për Lando Norris, i cili prapa në vendin e katërt ka Lewis Hamilton-in.
Dy pilotët Ferrari, Leclerc dhe Sainz nisen në linjen e tretë.
Giovinazzi dhe Perez janë vendi i shtatë dhe i tetë, kurse Stroll dhe Alonso mbyllin ‘top 10’.
Vettel, Ocon, Latifi, Russell, Tsunoda, Mazepin, Kubica, Schumacher, Gasly dhe Bottas mbyllin linjën e plotë.
Gara fillon në orën 15:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Liburn Aliu e Naser Hafizi ia shlyen kompanisë “Fluidi” borxhin prej 3.5 milionëve për vetëm 13 mijë euro
-
Basha takim me kryesuesen e OSBE-së, në fokus reforma zgjedhore dhe drejtësia
-
Irani mund të rimendojë politikën bërthamore në dritën e kërcënimit nga Izraeli, sipas IRGC
-
DASH: Ndalimet arbitrare të qytetarëve dhe policëve të Kosovës, veprime përshkallëzuese