Blinken njofton dërgimin e ndihmës së re ushtarake në Ukrainë

Autoritetet amerikane kanë njoftuar ndihmën e re ushtarake për Ukrainën gjatë një vizite sekrete me dyer të mbyllura në Kiev.

Lajmi është bërë i ditur nga agjencitë perëndimore, duke cituar burime, përfshirë “Associated Press”, shkruan Albanian Post.

Sekretari amerikan i Shtetit, Anthony Blinken dhe Sekretari amerikan i Mbrojtjes, Lloyd Austin njoftuan një fond ushtarak prej 713 milionë dollarësh për Ukrainën dhe 15 aleatë të SHBA-ve.

Rreth 322 milionë dollarë janë dhënë për Kiev-in.

Pjesa tjetër do të ndahet midis anëtarëve të NATO-s dhe vendeve të tjera që i kanë ofruar Ukrainës furnizime të rëndësishme ushtarake që nga fillimi i luftës me Rusinë, thanë zyrtarët.

Një financim i tillë ndryshon nga ndihma e mëparshme ushtarake e SHBA-ve për Ukrainën.

Ky nuk është një donacion nga Departamenti i Mbrojtjes i SHBA-së, por para të gatshme që vendet mund t’i përdorin për të blerë furnizime që mund të kenë nevojë.

Sipas zyrtarëve, paratë, së bashku me shitjen e 165 milionë dollarëve në municione jo amerikane dhe sovjetike, rritin ndihmën totale ushtarake të SHBA-ve për Ukrainën në 3.7 miliardë dollarë që nga pushtimi rus.

Ndërsa ishin në Kiev, Blinken dhe Austin u takuan me Zelensky-n, Ministrin e Jashtëm Dmitry Kuleba, Ministrin e Mbrojtjes Alexei Reznikov dhe Ministrin e Brendshëm Denis Monastyrsky në një takim dypalësh të zgjatur, afërsisht 90 minuta, tha një zyrtar i lartë i DASH-it.

Vizita u mbyll dhe u zhvillua pa mbulim shtypi për arsye sigurie.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.