Zëvendëskryeministri i parë për Integrim Evropian, Zhvillim dhe Dialog, Besnik Bislimi, ka udhëtuar drejt Brukselit, ku pritet të takohet me kryenegociatorin e palës serbe, Petar Petkoviç, njoftoi të dielen Zyra për Komunikim me Publikun.
“Ditën e hënë, pritet të zhvillohen takimet e radhës në nivelin e kryenegociatorëve në procesin e dialogut, e cila do të ketë në fokus zbatimin e sekuencuar të Marrëveshjes Bazë dhe Aneksit të Zbatimit”, thuhet në njoftimin e lëshura nga Qeveria e Kosovës.
Ky takim vjen pas vizitës së Emisarit Special të Bashkimit Evropian për dialogun Kosovë-Serbi, Miroslav Lajçak, i cili javën e kaluar qëndroi në Prishtinë dhe Beograd, si pjesë e përpjekjeve për të përgatitur terrenin për raundin tjetër të dialogut në nivel kryenegociatorësh në Bruksel.
Bislimi dhe Petkoviç në takimin e fundit kishin arritur një marrëveshje për Deklaratën për Personat e Pagjetur, e cila ishte miratur në takimin e 2 majit në Bruksel mes kryeministrit të Kosovës, Albin Kurti dhe presidentit të Serbisë, Aleksandër Vuçiç.
Ndryshe, në tryezën e bisedimeve ishte edhe Draft-Statuti për Asociacionin e Komuanve me Shumicë Serbe, të cilin e ka hartuar Ekipi Menaxhues në përbërje prej katër pjesëtarëve të komunitetit serb – përfshirë edhe një deputete të Kuvendit të Serbisë.
Megjithatë, kryeministri Kurti ka thënë se i njëjti është i papranueshëm ngase bie ndesh me Kushtetutën e Kosovës, prandaj edhe kishte paraqitur një variant si “draft-vizion” për Asociacionin e Komunave me Shumicë Serbe në Kosovë, gjë që nuk është përfillur.
Këto takime vijnë pasi Kosova dhe Serbia dhanë dakordimin e tyre për Aneksin Zbatues të Planit Evropian për rrugën drejt normalizimit. Ky dakordim iu dha më 18 mars përfaqësuesve të Bashkimit Evropian në Ohër, ndërkaq dokumenti i dakorduar në tërësi iu paraqit edhe Këshillit Evropian.
Bashkimi Evropian dhe Shtetet e Bashkura të Amerikës, me gjithë mospajtimet lidhur me disa çështje, po insistojnë se krijimi i Asociacionit të Komunave me shumicë serbe është çështja kryesore dhe prioriteti më i madh në rrugën drejt normalizimit të marrëdhënieve Kosovë-Serbi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ekspozimi: Politikanët evropianë të së djathtës në listën e pagave të Putinit
-
Tahiri e Gashi lëshojnë mbledhjen e Kryesisë së Kuvendit: Ka një tendencë të pushtetit për bllokim të secilës punë që e zbardhë të vërtetën
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Beleri dhe Goro në burg – Blerina Bala komandohet drejtuese e re e bashkisë Himarë
Lajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Beleri dhe Goro në burg – Blerina Bala komandohet drejtuese e re e bashkisë Himarë
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un